सुकेटार विमानस्थल स्तरवृद्धिको काम सुरु

कात्तिक १५, २०७६ शुक्रबार १०:१५:४ | केशवप्रसाद भट्टराई

ताप्लेजुङ – सुकेटार विमानस्थलमा कालोपत्रे (पिच) गरेको चार वर्षपछि स्तरवृद्धिको काम सुरु भएको छ ।

चालू आर्थिक वर्ष २०७६/७७ का लागि १६ करोड रुपैयाँ बजेट विनियोजन भएको थियो । यो बजेटले विमानस्थलको स्तरवृद्धिसँगै विमानस्थल प्रवेश मार्ग, यात्रु प्रतिक्षालयसहितका थप संरचनाहरु निर्माण गर्न थालिएको हो ।

विनियोजित बजेट कार्यान्वयन गर्न नेपाल नागरिक उड्डयन प्राधिकरण इन्जिनियरिङ विभागले असार पहिलो साता नै ठेक्काका लागि बोलपत्र आह्वान गरी ठेक्का लगाएको थियो । ठेक्का लिएको कप्पनी खड्का कृष्ण/बङ्गलामुखी जेभी कन्सट्रक्सनले गएको महिनादेखि नै काम सुरु गरेको छ । यो कम्पनीले आठ करोड ९९ लाख ५० हजार ३४९ रुपैयाँमा ठेक्का पारेको प्राधिकरणका इन्जिनियर पुष्पराज न्यौपाने जानकारी दिनुभयो ।

इन्जिनियर न्यौपानेका अनुसार विमानस्थल स्तरवृद्धिको कार्य गर्दा अहिले कायम रहेको संरचनामाथि थप धावनमार्ग वृद्धि र स्तरोन्नति, यात्रु प्रतिक्षालय, सुरक्षा जाँचका लागि व्यवस्थित कक्ष निर्माणलगायतका काम हुने बताउनुभयो ।

गएको चैत महिनामा नागरिक उड्ययन प्राधिकरणको अनुबन्धमा रियलपाथ इन्जिनियरिङ कन्सलटेन्सीले सर्भेको कार्य गरेको थियो ।

अहिले विमानस्थलमा भएको धावन मार्गको लम्बाइ ७०० मिटरबाट बढाएर ९०० मिटर बनाउनेगरी सर्भे भएको नागरिक उड्डयन प्राधिकरणले जनाएको छ ।

अहिले कायम रहेको ७०० मिटर लम्बाइ र २० मिटर चौडाइको विमानस्थलमा नेपाल वायु सेवा निगमको ट्वीनेटर जहाज र १८ सिट क्षमताका अन्य जहाजले उडान भर्ने गरेका छन् । अहिले नेपाल वायु सेवा निगमको जहाज हप्तामा तीन पटक आउने गरेको निगमका कर्मचारी विकास राईले बताउनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्