दाङ र कपिलवस्तुको सीमाबाट ५ थान एसएमजी र ३९० राउण्ड गोली बरामद

कात्तिक ३०, २०७६ शनिबार ११:५:२७ | हेमराज शर्मा

दाङ - प्रहरीले दाङ र कपिलवस्तुको सीमाक्षेत्रअन्तर्गत कपिलवस्तुको शिवनगरबाट ५ थान शर्ट मेसिन गन(एसएमजी) र त्यसमा लाग्ने म्याग्जिन र गोली बरामद गरेको छ ।

जिल्ला प्रहरी कार्यालय दाङ र इलाका प्रहरी कार्यालय गढवाबाट खटिएको टोलीले खाली गोठमा लुकाइराखेको अवस्थामा ती हतियार बरामद गरेको छ । बरामद गरिएका हतियारमा ५ थान एसएमजी, म्याग्जिन १३ थान, त्यसमा प्रयोग हुने ३९० राउण्ड गोली रहेको जिल्ला प्रहरी कार्यायल दाङका प्रहरी प्रवक्ता प्रहरी नायब उपरीक्षक(डीएसपी) विनोदविक्रम शाहले जानकारी दिनुभयो ।

विप्लव समूहले हातहतियार दाङ र कपिलवस्तुको सिमाना हुँदै स्थानान्तरण गर्दछन् भन्ने विशेष सूचनाका आधारमा गएको प्रहरी टोलीले शुक्रबार बेलुकी कपिलवस्तुको शिवनगर नगरपालिका वडा नम्बर १ बाट ती हतियार बरामद गरेको हो ।

हतियार सुटकेसभित्र राखी पात पतिङ्गर र झारपातले छोपी लुकाइ राखेको अवस्थामा फेला परेको डीएसपी शाहले जानकारी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।