स्वच्छ भर्ना प्रक्रियामार्फत नेपाली श्रमिक लैजान मलेसिया तयार, रोजगारदाता असन्तुष्ट

मंसिर २७, २०७६ शुक्रबार १३:४६:४ | उज्यालो सहकर्मी

काठमाण्डौ– मलेसियाको मानव शंसाधन मन्त्रालयले नेपाली श्रमिक मलेसिया लैजान स्वच्छ भर्ना प्रक्रिया अपनाउने जनाएको छ ।

गएको वर्षको कात्तिकमा नेपाल र मलेसियाबीच भएको समझदारी अनुसार नै नेपाली श्रमिकलाई स्वच्छ भर्ना प्रक्रियामार्फत लैजान मलेसिया सकारात्मक देखिएको हो। समझदारीपछि नेपाली श्रमिक भर्नाका लागि ६ हजार ३ सयदेखि ७ हजार ९ सय रुपैयाँसम्म लाग्ने मन्त्रालयको अनुमान छ ।

श्रमिकको क्षतिपूर्ति सम्बन्धी व्यवस्था सोक्समार्फत पाइने हुँदा विदेशी श्रमिक यो स्किममा दर्ता हुनुपर्ने मन्त्रालयले जनाएको छ । तर मलेसियाली रोजगारदाताले भने सरकाले कामदार भर्तिको शुल्क घटाउन सहयोग गर्नुपर्ने माग राखेका छन् ।

त्यसका लागि नेपाल बाहेक अरु देशबाट पनि श्रमिक भर्तिका लागि खुल्ला गर्नुपर्ने र स्वच्छ भर्नाको सुधारका लागि सहयोग गर्ने उनीहरुको माग छ । रोजगारदाताले भनेका छन्, ‘अन्र्तराष्ट्रिय श्रम संगठनको स्वच्छ भर्नाको मापदण्डले श्रमिकको अधिकारलाई सुनिश्चित गर्छ तर मलेसिया त्यसरी अहिलेसम्म विकसित भइसकेको छैन। त्यसले यसले हामीलाई आर्थिक भार थपेको छ ।

मलेसियाले अहिले बंगलादेश, इण्डोनेसिया र भियतनामसँग पनि नयाँ श्रम समझदारीको तयारी गरिरहेको छ । मलेसियाका मानव संशाधन मन्त्री एम कुलासेगरानले भने पहिलो चरणमा नेपालसँग भएको श्रम समझदारी मानव बेचबिखन र आप्रवासी श्रमिक माथिको दुर्व्यहारलाई सम्बोधन गर्नका लागि गरेको बताउनुभएको छ ।

नयाँ समझदारी अनुसार लागत खर्च रोजगारदाताले नै व्यहोर्नुपर्छ । समझदारी अघिसम्म श्रमिकले नै यो खर्च व्यर्होनु पथ्र्यों ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्