पर्यटन प्रवर्द्धनका लागि स्याङ्जाकाे वालिङमा ‘क्यानोनिङ’ महोत्सव

पुष १७, २०७६ बिहीबार १२:३३:१ | राधाकृष्ण डुम्रे

स्याङ्जा - पर्यटन प्रवर्द्धनका लागि स्याङ्जाको वालिङमा बिहीबारबाट प्रथम क्यानोनिङ महोत्सव २०७६ सुरु भएको छ । झरना वा छाँगाबाट डाेरीका सहायताले ओर्लने तथा उक्लने साहसिक खेल भएकाले क्यानोनिङलाई ‘छाँगा अवराेहण’ का नामले पनि चिनिन्छ ।

वालिङ नगरपालिका वडा नम्बर-४ मा रहेकाे खाल्टेमा भोलिबाट महोत्सव गरिएकाे हो ।

स्याङ्जा क्यानोनिङ तथा पर्यटन प्रवर्द्धन समिति र सुन्तलाबारी सामुदायिक होमस्टेले संंयुक्त रुपमा पहिलो क्यानोनिङ सुन्तला तथा सांस्कृतिक महोत्सव २०७६ को आयोजना गरेको हो ।

स्थानीय स्तरबाट पर्यटनको विकास गर्ने, स्थानीय उत्पादनलाई बढावा दिँदै रोजगारी सृजना गर्ने साथै प्राकृतिक साैन्दर्यले भरिपूर्ण पहाडी क्षेत्रहरुको पहिचान गर्ने महोत्सवको लक्ष्य रहेको छ ।

मौलिक कला संस्कृतिको संरक्षण तथा प्रवर्द्धन गर्नुका साथै कृषि र साहसिक खेल क्यानोनिङलाई दिगो पर्यटन उद्योगको रुपमा स्थापित गर्दै भ्रमण वर्ष २०२० लाई सफल पार्न महोत्सवको आयोजना गरिएको क्यानोनिङ तथा पर्यटन प्रवर्द्धन समितिका अध्यक्ष मोहन खनालले जानकारी दिनुभयो । ४ दिनसम्म सञ्चालन हुने महोत्सवमा २ छुट्टाछुट्टै झरनामा क्यानोनिङ गर्ने अवसर रहनेछ ।

३५ मिटरको कुलमान घिसिङ झरना र ३० मिटरकै सत्यमेव जयते झरनामा दर्शकलाई क्यानोनिङको व्यवस्था मिलाइएको उहाँले बताउनुभयो । सहभागीले ३ सय रुपैयाँको टिकट किनेपछि बगैँचामै गएर आफैँले सुन्तला टिपेर खान सकिने तथा एक झाेला सुन्तला लैजान समेत सकिने आयोजकले जनाएको छ । नेपाल पर्यटन बोर्ड पोखरा, नेपाल भ्रमण वर्ष २०२० सचिवालय गण्डकी प्रदेशले महोत्वसको प्रवर्द्धन गरेको हाे ।

त्यस क्षेत्रमा सुन्तलै सुन्तलाको जंगलभित्र बनेका घरहरुमा विगत केही समयदेखि सुन्तलाबारी सामुदायिक होमस्टेको नाममा घरबास कार्यक्रम समेत सञ्चालित रहेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्