भ्रमण वर्षको पहिलो दिन ४ सय भारतीय पर्यटकले 'कालिञ्चाेक केवलकार' चढे

पुष १८, २०७६ शुक्रबार ८:१३:५७ | उषा तामाङ

दाेलखा – भ्रमण वर्ष २०२० को पहिलो दिन अर्थात् गएकाे बुधबार दोलखाको कालिञ्चाेकका एक हजारभन्दा बढीले केवलकार चढेका छन् । जनवरी १ तारिखमा एक हजार बढी आन्तरिक तथा बाह्य पर्यटकले केवलकार चढेका हुन् ।

दोलखाको पर्यटकीय सम्पदाकाे रुपमा कालिञ्चोक भगवती मन्दिरको दर्शनका लागि भ्रमण वर्षको पहिलो दिन छिमेकी जिल्ला, काठमाण्डाैसहित भारतका गरी एक हजार दुई सय जनाले केवलकार चढेको कालिञ्चाेक दर्शन लिमिटेडले जनाएको छ ।

कालिञ्चाेक दर्शन लिमिटेडका प्रमुख कार्यकारी अधिकृत (सीईओ) अशोक शिवाकोटीले भ्रमण वर्षकाे पहिलाे दिन केवलकार चढ्नेमध्ये चार सय जना पर्यटक भारतीय नागरिक रहेको जानकारी दिनुभयो । सीईओ शिवाकाेटीका अनुसार अङ्ग्रेजी नयाँ वर्षको पहिलो दिन पाँच लाख ५० हजार रुपैयाँ रकम सङ्कलन भएको छ ।

भ्रमण वर्षलाई लक्षित गर्दै केवलकारले टिकटमा छुट दिइरहेको छ । कालिञ्चाेक दर्शन लिमिटेडले सञ्चालन गरेको केवलकार चढ्ने दोलखासहित तीन जिल्लाका स्थानीयलाई छुट दिइएको हो । भ्रमण वर्षलाई लक्षित गर्दै दोलखा, रामेछाप र सिन्धुपाल्चोक जिल्लाका स्थानीयका लागि टिकटमा ४० प्रतिशत छुट दिने निर्णय गरेको कालिञ्चाेक दर्शन लिमिटेडले जनाएको छ । याे छुट निश्चित अवधिका लागि मात्रै हाे ।

छुट प्राप्त गर्न तीन जिल्लाका स्थानीयले परिचय र ठेगाना खुलेको नेपाली नागरिकता, मतदाता परिचय पत्र वा अन्य कुनै परिचय पत्र साथमा लैजानु पर्नेछ ।साथै कालिञ्चाेक दर्शन लिमिटेडले विद्यार्थी, ज्येष्ठ नागरिक र अपाङ्गता भएका व्यक्तिलाई टिकट शुल्कमा २५ प्रतिशत छुट दिँदै आएकाे छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्