वैदेशिक रोजगारी सम्बन्धी सबै काम अनलाइनबाट, बीमा कम्पनी र सेवा प्रदायक अरु संस्थालाई सूचीकृत हुन विभागको अनुरोध

पुष २०, २०७६ आइतबार १४:३३:३० | उज्यालो सहकर्मी

काठमाण्डौ – वैदेशिक रोजगारीको लागि अनलाइन भुक्तानी सेवा प्रदायक संस्था र बीमा कम्पनीहरुलाई सूचीकृत हुन वैदेशिक रोजगार विभागले आह्वान गरेको छ ।

वैदेशिक रोजगार व्यवस्थापन सूचना प्रणालीमा सूचीकृत हुन बाँकी रहेका जीवन बीमा कम्पनीहरुलाई यसै महिनाको २४ गतेभित्र सूचीकृत हुन विभागले आव्हान गरेको हो ।

विभागको वैदेशिक रोजगार व्यवस्थापन सूचना प्रणालीमा सूचीकृत हुन बाँकी रहेका र तोकिए बमोजिमको बीमा प्रिमियम बापतको रकम, कुनै सेवा शुल्क नलिई र नकटाई अनलाइन भुक्तानी प्रणालीमार्फत भुक्तानी सेवा प्रदान गर्न इच्छुक संस्थाहरु सूचीकृत हुन सक्ने विभागले जनाएको छ ।

सूचीकृत हुनको लागि संस्था दर्ताको आधिकारिक कागजातको प्रतिलिपि सहित निवदेन पेश गर्नुपर्नेछ । यदि कुनै बीमा कम्पनीहरुले पहिले नै बीमा प्रिमियमबापतको रकम अनलाइन भुक्तानी गर्न कुनै सेवा प्रदायकसँग सम्झौता गरिसकेको भए त्यसको प्रमाणसहित विवरण पेश गर्न पनि विभागले भनेको छ ।

श्रम स्वीकृति प्रयोजनका लागि तोकिए बमोजिमको रकमको बीमा गर्दा प्रचलित नेपाल कानून बमोजिम दर्ता भएका जुनसुकै बीमा कम्पनीबाट गराउन सकिन्छ ।

अब त्यस्तो बीमा प्रिमियमबापतको रकम समेत अनलाइन प्रणालीबाट भुक्तान गर्न सकिने गरी प्राविधिक तयारी पूरा गरिसकेको वैदेशिक रोजगार विभागले जनाएको छ ।

अहिलेसम्म विभागमा १४ वटा बीमा कम्पनीहरु दर्ता रहेका छन् र तीमध्ये ४ वटाले मात्र सेवा दिइरहेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्