'एमसीसी' मा काङ्ग्रेसकाे समर्थन छ, कुनै पनि हालतमा पास हुनुपर्छ : सभापति देउवा

माघ ५, २०७६ आइतबार १२:२५:० | हेमराज शर्मा

दाङ – मिलेनियम च्यालेन्ज कर्पोरेशन (एमसीसी) काे विषय विवादित बन्दै गएको अवस्थामा नेपाली काङ्ग्रेसकाे तर्फबाट पनि धारणा सार्वजनिक भएकाे छ ।

काङ्ग्रेसले एमसीसी नेपालकाे हितमा रहेकाे बताउँदै आएकाे र त्यसमा आफ्नाे पनि समर्थन रहेकाे काङ्ग्रेस सभापति शेरबहादुर देउवाले बताउनु भएकाे छ । विवादित बनेको एमसीसी कुनै पनि हालतमा पास हुनु पर्नेमा देउवाले जाेड दिएकाे छ ।

उहाँले एमसीसी पास भएमा नेपालले आर्थिक विकासमा महत्वपूर्ण भूमिका खेल्ने बताउनु भयाे । नेपाली प्रेस युनियन दाङले आइतबार तुलसीपुरमा गरेको पत्रकार भेटघाट कार्यक्रममा सभापति देउवाले नेपाल जस्तो अल्पविकसित देशमा विदेशी सहयोग अनिवार्य रहेको भन्दै एमसिसी परियोजनाअन्तर्गत अमेरिकाले ५० करोड अमेरिकी डलर सहयोग गर्ने बताउनु भयाे ।

उहाँले बाहिर हल्ला चलेजस्तो इन्डोप्यासिफिक रणनीति 'एमसीसी' मा नभएको समेत स्पष्ट पार्नुभयाे । केही दिनअघि मात्रै अमेरिकी दूतावासले इन्डोप्यासिफिक रणनीति नभएको सार्वजनिक गरिसकेको अवस्थामा कुनै शङ्का नगरि हिउँदे अधिवेशनबाट पारित गर्नुपर्ने पार्टीकाे धारणा रहेको उहाँकाे भनाइ छ ।

सरकारले नेपालमा विद्युत उत्पादन बढाउने, सडक गुणस्तर कायम गर्ने तथा नेपाल र यस क्षेत्रबीच ऊर्जा व्यापारलाई सहज बनाउने उद्देश्यसहित एमसीसीसँग सम्झौता गरेको थियो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्