करार अवधिभित्र नेपालमै मृत्यु भएमा पनि परिवारले आर्थिक सहायता पाउने

माघ १०, २०७६ शुक्रबार १७:२७:६ | उज्यालो सहकर्मी

काठमाण्डौ – वैदेशिक रोजगारीमा गएर फर्किएकाको करार अवधिभित्र नेपालमै ज्यान गएमा पनि श्रमिकको परिवारले आर्थिक सहायता पाउने भएका छन् ।

करार अविधिमा नेपालमा ज्यान गुमाउने श्रमिकका परिवारलाई पनि सात लाख रुपैयाँ दिने गरी निर्णय भएको वैदेशिक रोजगार बोर्डका कार्यकारी निर्देशक राजन प्रसाद श्रेष्ठले जानकारी दिनुभयो । यसअघि वैदेशिक रोजगारीको क्रममा गन्तव्य देशमै ज्यान गुमाउनेका परिवारका सदस्यले मात्र आर्थिक सहायता पाउँथे ।

यो निर्णयपछि बोर्डमा निवेदन परेका ३ सय १५ परिवारका सदस्यले बोर्डबाट आर्थिक सहायता पाउनेछन् ।वैदेशिक रोजगारीका क्रममा ज्यान गुमाएका श्रमिकका हकवालाले दुई वर्ष अघिसम्म आर्थिक सहायतास्वरुप तीन लाख रुपैयाँ पाउने नियम थियो ।

त्यसपछि यो रकम बढाएर सरकारले सात लाख रुपैयाँ पुर्‍याएको हो । बोर्डमा निवेदन परेका मृतकका हकवालाले यही नियम अनुसार नै आर्थिक सहायता पाउने कार्यकारी निर्देशक श्रेष्ठले बताउनुभयो ।

बोर्ड बैठकले बेलाबेलामा विशेष निर्णय गरेर यस्तो अवस्थामा आर्थिक सहायता दिने गरेकाले अब सबैले पाउनेगरी नियम ल्याइएको कार्यकारी निर्देशक श्रेष्ठले बताउनुभयो । श्रम स्वीकृति नलिई भिजिट भिसामा र अवैधानिक बाटो हुँदै जाने श्रमिकले भने यस्तो सहायता पाउँदैनन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्