मुस्ताङ दुर्घटनामा ज्यान गुमाएका मृतकका परिवारलाई आर्थिक सहयोग

साउन ९, २०७५ बुधबार १८:५६:१३ | हेमराज शर्मा

दाङ – मुस्ताङ दुर्घटनामा ज्यान गुमाएका राप्ती गाउँपालिका वडा नम्बर ३ निवासी सुबेरु चौधरीको घर परिवारलाई आर्थिक सहयोग दिइएको छ ।

अस्ट्रेलियामा बस्ने नेपालीहरुको तर्फबाट २३ हजार ३ सय २० रुपैयाँ आर्थिक संकलन भएको हो । काठमाडौंमा बस्ने अजितकुमार भट्टराईको संयोजनमा त्यो रकम संकलन भएको थियो ।

मृतक चौधरीको घरमै मंगलबार एक कार्यक्रमको आयोजना गरेर संकलित भएको रकम चौधरीकी श्रीमती देउमन्ती चौधरीलाई हस्तान्तरण गरिएको हो ।

त्यो क्रममा राप्ती गाउँपालिकाका अध्यक्ष नुमानन्द सुबेदी, उपाध्यक्ष जगदम्बाकुमारी चौधरी, राप्ती उद्योग बाणिज्य संघका अध्यक्ष जगतप्रसाद पोखरेल, विभिन्न संचार माध्यमका पत्रकारहरुको रोहबरमा रकम उपलब्ध गराइएको हो ।

आर्थिक अवस्था कमजोर भएका कारण र घर खर्च चलाउँदा लागेको ऋण तिर्न भनि ज्याला मजदुरी गर्न सुबेरु केही महिना अघि मुस्ताङ्ग पुगेका थिए ।

खाना खाएर कार्य क्षेत्र जाँदै गर्दा टिपर दुर्घटनामा परेर उहाँको ज्यान गएको थियो । घरको मुली मान्छे नै मरेपछि अहिले श्रीमती देउमन्तीलाई दुई छोरी र एक छोरालाई लालन पालन गर्न गाह्रो भएको छ ।

जेठी छोरीले आर्थिक अवस्था कमजोर भएकै कारण कक्षा ९ मा पढ्दा पढ्दै पढाई छोड्नु परेको गुनासो देउमन्तीले गर्नुभएको छ । कान्छी छोरी र छोरालाई जेनतेन गरेर स्कुल पठाउने गरेको देउमन्तीले बताउनुभयो । तर घरमा कमाई गर्ने मान्छे नहुँदा नौ कक्षामा अध्ययनरत छोरा वर्षे बिदाको मौका पारेर बुटवल मजदुरी गर्न गएको आमाले बताउनुभयो ।

विदेशमा बसेका नेपालीहरुबाट संकलन भएको रकम हस्तान्तरण गर्दै गाउँपालिकाका अध्यक्ष सुबेदीले बीचमै पढ्न छोडेका सुबेरुका छोरा छोरीलाई विद्यालयमा निःशुल्क पढ्नका लागि वातावरण मिलाई दिने बताएका छन् ।

आर्थिक अवस्था कमजोर भएको भन्दै राप्ती गाउँपालिकाले १५ हजार रकम सहयोग गरेको गाउँपालिकाका अध्यक्ष नुमानन्द सुवेदीले बताउनुभयो । त्यस्तै मुस्ताङ घटनामा ज्यान गुमाउने मृतकहरुलाई निर्माण व्यवसायीको तर्फबाट प्रति व्यक्ति ५ लाख र राज्यबाट ५ लाख रुपैयाँ उपलब्ध गराउने बताइएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्