वैदेशिक रोजगारीकाे विषयमा प्रहरीसँग अन्तरक्रिया

फागुन १९, २०७६ सोमबार १७:५४:२६

रामकुमार थापा/धादिङ

वैदेशिक रोजगारीलाई सुरक्षित र भरपर्दो बनाउन धादिङमा प्रहरीसँग अन्तरक्रिया कार्यक्रम सञ्चालन गरिएको छ ।

नेपाल सरकार, श्रम रोजगार तथा सामाजिक सुरक्षा मन्त्रालय र सामी हेल्भेटास स्विस इन्टरकोअपरेशन नेपालको साझेदारीमा नीलकण्ठ नगरपालिकाद्वारा सोमबार कार्यक्रम सञ्चालन गरिएको हो ।

वैदेशिक रोजगारीमा देखिएका समस्या न्यूनीकरण गर्न र वैदेशिक रोजगारीलाई सुरक्षित बनाउन प्रहरीसँग अन्तरक्रिया कार्यक्रम सम्पन्न भएको सुरक्षित आप्रवासन सामी परियोजनाका लेखा अधिकृत सम्झना भण्डारीले बताउनुभयो ।

यस्तै सुरक्षित आप्रवासन सामी परियोजनाका कार्यक्रम अधिकृत कमल बहादुर रोकायाले वैदेशिक रोजगारीको क्रममा देखिएका समस्या, वैदेशिक रोजगार विभाग र प्रहरीसँग भएको सम्झौता अनुसार प्रहरीले खेल्नुपर्ने भूमिका र भविष्यमा सहयोग र सहकार्य कसरी गर्न सकिन्छ भन्ने विषयमा जानकारी गराउनु भएको थियो ।

यस्तै कार्यक्रममा धादिङका प्रहरी नायब उपरीक्षक (डीएसपी) रुपक खड्काले वैदेशिक रोजगारीमा हुने ठगी र मानव बेचबिखनको समस्या न्यूनिकरणका लागि प्रहरीले सक्दो सहयोग गर्ने प्रतिबद्धता व्यक्त गर्नुभयो । कार्यक्रममा जिल्लाभरिका ४० जना प्रहरी चौकी इञ्चार्जको सहभागिता रहेको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्