मलेसिया र खाडीका ६ देशमा कोरोना सङ्क्रमणको अपडेट

 चैत ५, २०७६ बुधबार १३:१४:० | उज्यालो सहकर्मी

काठमाण्डौ – चीनको वुहानबाट फैलिएको कोरोनाको संक्रमण नेपालीको श्रम गन्तव्य खाडीका देश र मलेसियासम्म फैलिएको छ । खाडीका ६ देश र मलेसियामा अहिलेसम्म १ हजार ९ सय ४६ जनामा कोरोनाको संक्रमण भएको छ । यूएईमा कार्यरत दुई नेपालीमा पनि कोरोनाको संक्रमण पुष्टि भएको छ ।

पछिल्लो तथ्याँकअनुसार १ सय ७० देशका दुई लाख ४ हजार ४४ नागरिकलाई कोरोनाको सङ्क्रमण भएको छ । अहिलेसम्म ८ हजार २ सय ५० जनाको ज्यान गएको छ भने ८२ हजार ८ सय ६६ जना निको भएर घर फर्किएका छन् ।

नेपालमा अहिलेसम्म कोरोनाको सङ्क्रमण देखिएको छैन, तर नेपालीले काम गर्ने रोजगारीको मुख्य गन्तब्यहरु खाडीका ६ देश र मलेसियामा सङ्क्रमण फैलिएको छ । कोरोना सङ्क्रमणको जोखिमबाट बच्न तपाईले काम गरिरहेको देशका सरकारले दिएका सल्लाह र निर्देशन पालना गर्नुका साथै उच्च सतर्कता अपनाउनु पर्छ ।

नेपालीले काम गर्ने खाडीका ६ देश र मलेसियाको पछिल्लो जानकारी :  

कतार

सङ्क्रमित संख्या : ४ सय ४२

निको भएर घर फिरेकाहरु : ४

अस्पतालमा उपचाररत : ४ सय ३८

कतार सरकारको सल्लाह 

-  सम्भव भएसम्म सार्वजनिक स्थान र भिडभाडमा नजानुहोस् । 
- भेटघाट गरेर भलाकुसारी गर्नुको साटो कुराकानीका लागि मोबाइल तथा मोबाइल एपहरु गर्नुहोस् । 
- कुनै स्वास्थ्य समस्या देखिए वा कोरोना भाइरसबारे जानकारी पाउनासाथ कतारको स्वास्थ्य मन्त्रालयको हटलाइन नम्बर १६००० मा फोन गर्नहोस् । 

नेपाली दूतावासले गर्ने काम र सम्पर्क नम्बर 

- कतारमा रहेको नेपाली दूतावासले शव नेपाल पठाउने, यात्रा अनुमति र पासपोर्ट जस्ता अत्यावाश्यक कामबाहेक अरु सेवाहरु रोकेको छ । 
- दूतावासमा पासपोर्ट र यात्रा अनुमतिपत्रका लागि द्वितीय सचिव ऋचा भट्टराईलाई ६६३१६९८५ नम्बरमा सम्पर्क गर्न सकिन्छ ।
- मृतक सम्बन्धी सेवाका लागि द्वितीय सचिव भुवनप्रसाद भट्टलाई ६६७४२०६४ नम्बरमा सम्पर्क गर्न सकिन्छ । 

- नेपाली समुदायको सरोकारको विषयका लागि द्वितीय सचिव प्रवीण भट्टराईलाई ६६९५०७२४ नम्बरमा सम्पर्क गर्न सकिन्छ । 
 - यस्तै दूतावासमा ४४६७५६८१ र ४४१७१९६२ मा पनि सम्पर्क गर्न सकिन्छ । 

यूएई

सङ्क्रमित संख्या : १ सय १३

निको भएर घर फिरेकाहरु : २६

अस्पतालमा उपचाररत : दुई जना नेपालीसहित ८७ 

यूएईका पर्यटकीय स्थलहरु, विद्यालय, सिनेमा हल, रेष्टुरेण्ट, बार, नाइट क्लब तथा धेरै मानिसको जमघट हुने क्षेत्रहरु बन्द भैसकेका छन् । मङ्गलबारदेखि यूएई भ्रमणमा जानेहरुलाई सरकारले भिसासमेत नदिने निर्णय कार्यान्वयन गरेको छ । 

यूएई सरकारको सल्लाह 

- पर्यटकीय स्थलहरु, विद्यालय, सिनेमा हल, रेष्टुरेण्ट, बार, नाइट क्लब तथा धेरै मानिसको जमघट हुने सार्वजनिक स्थानहरुमा भेला नहुनुहोस् । 
- कुनै स्वास्थ्य समस्या देखा परेमा यूएईको स्वास्थ्य सेवा विभाग आवुधावीमा ८००१७१७ मा सिधै सम्पर्क गर्नुहोस् । 
- यूएईको मिनिष्ट्रि अफ हेल्थ एण्ड प्रिभेन्सन ८००११११ र दुबई हेल्थ अथोरिटीमा ८००३४२ मा सम्पर्क गरेर आफ्नो अवस्थाको जानकारी दिएर आवश्यक सहयोग लिनुहोस् । 
- सम्भव भएसम्म सार्वजनिक स्थान र भिडभाडमा नजानुहोस् । 

- भेटघाट गरेर भलाकुसारी गर्नुको साटो कुराकानीका लागि मोबाइल तथा मोबाइल एपहरु गर्नुहोस् । 

- आवुधाबीमा रहेको नेपाली दूतावासको ०२६३४४७६७ र ६३४४३८५ नम्बरमा सम्पर्क गरेर आवश्यक सहयोग लिन सकिन्छ । 

साउदी अरेविया

सङ्क्रमित संख्या : १ सय ७१

निको भएर घर फिरेकाहरु : ६

अस्पतालमा उपचाररत : १ सय ६५

साउदी सरकारको सल्लाह 

- सरकारले कोरोना भाइरस परीक्षणको लागि Saudi Center for Disease Prevention and Control लाई आधिकारिक प्रयोगशाला तोकेको छ । त्यसैले रुघाखोकी लागेमा, ज्वरो आएमा तथा श्वासप्रश्वासमा समस्या देखिएमा साउदी सरकारले तोकेका परीक्षणस्थल र प्रयोगशालामा मात्र जाँच गराउनुहोस् । 

- सङ्क्रमणको शंका लागेमा तुरुन्तै सरकारले उपलब्ध गराएको Health Service Centre को सम्पर्क नम्बर ९३७ मा फोन गरी सल्लाह र परामर्श लिनुहोस् । 

- कसैलाई रुघाखोकी लागेको, ज्वरो आएको तथा श्वासप्रश्वासमा समस्या देखिएको भए उसित भेट हुँदा वा बोल्दा कम्तिमा पनि एक मिटर टाढै रहनु होस् । 

- अत्यावश्यक सहयोग र सल्लाहका लागि साउदीमा रहेको नेपाली दूतावासको ९६६१४६१११०८ नम्बरमा सम्र्पक गर्नुहोस् ।

बहराइन 

बहराइनमा ल्याण्ड गर्ने उडानहरु १८ मार्चदेखि अनिश्चितकालका लागि बन्द गरिएका छन् । बहराइनले सबै लेबर क्याम्प सरसफाई गर्ने र प्रत्येक क्याम्पमा क्वारेन्टाइनको व्यवस्था गरेको छ । 

सङ्क्रमित संख्या : २ सय ५५

निको भएर घर फिरेकाहरु : ८८

अस्पतालमा उपचाररत : १ सय ६६

मृतकको संख्या : १

सरकारको सल्लाह 

- अरु देशमा झै बहराईन सरकारले पनि सबैलाई भीडभाडमा नजान र सुरक्षाका उपाय अपनाउन सल्लाह दिएको छ ।

 - ज्वरो आउने, खोकी लाग्ने, श्वास फेर्न गाह्रो हुने जस्ता लक्षण देखिएमा बहराइनको टोल फ्रि ४४४ नम्बरमा सम्पर्क गर्न सकिन्छ । 

- सङ्क्रमितले क्वारेन्टाइनमा बस्न नमानेमा १ हजारदेखि १० हजार बहराइन दिनार जरिवाना हुनेछ । 

- कुनै समस्या परेमा बहराइनमा रहेको नेपाली दूतावासमा ९७३१७७२५५८३ मा सम्पर्क गर्न सकिन्छ । 

कुवेत 

सङ्क्रमित संख्या : १ सय ४२

निको भएर घर फिरेकाहरु : १२

अस्पतालमा उपचाररत : १ सय ३०

कुवेत सरकारले सार्वजनिक क्षेत्रका श्रमिकलाई दुई हप्ताको बिदा दिएको छ । रेस्टुरेन्टदेखि शिक्षण संस्था समेत बन्द गरिएका छन् । गएको शुक्रबार रातिदेखि कुवेतले सबै व्यावसायिक उडान पनि बन्द गरेको छ । 

कुवेत सरकारको सल्लाह 

- सार्वजनिक क्षेत्रमा भेला भएर नबस्नुहोस् ।

- घरभित्रै पनि धेरै मानिस जम्मा भएर नबस्नुहोस् । कुवेत सरकारले जारी गरेको सुरक्षा सतर्कता अपनाउनुहोस् । 
- स्वास्थ्य सम्बन्धी कुनै समस्या भएमा २४९७०९६७ नम्बरमा फोन गर्नुहोस् र आफ्नो अवस्थाबारे जानकारी गराउनुहोस् ।

- कुवेत सरकारले जारी गर्ने स्वास्थ्य सम्बन्धी निर्देशनहरु पालना गर्नुहोस् ।

- कुनै समस्या परेमा कुवेतमा रहेको नेपाली दूतावासको फोन नम्बर ००९६५२५३२१६०३ मा सम्पर्क गर्नुहोस् । 

ओमान 

सङ्क्रमित संख्या : ३३

निको भएर घर फिरेकाहरु : १२

अस्पतालमा उपचाररत : २१

ओमान सरकारको सल्लाह 

- सार्वजनिक ठाउँमा भिडभाड नगर्नुहोस् र सुरक्षित भएर बस्नुहोस् । 

- कुवेत सरकारले जारी गरेको वा कम्पनीको निर्देशन पालना गर्नुहोस् । 

- कुनै समस्या परेमा कोरोना विशेष हटलाइन नम्बर ७१५३०८४० मा अथवा ९६८२४६९६१७७ मा सम्पर्क गरेर सहयोग लिन दूतावासले अनुरोध गरेको छ ।

मलेसिया

कोरोनाको सङ्क्रमण फैलन नदिन मार्च १७ मङ्गलबारदेखि मार्च ३१ सम्म मलेसियामा ‘लकडाउन’ नै गरिएको छ । यस अवधिमा नेपालीसहित कुनै पनि विदेशी नागरिक मलेसिया प्रवेश गर्न पाउँदैनन् । यस अवधिका लागि सबै शिक्षण संस्थाहरु बन्द गरिएको छ भने खेलकुद, धार्मिक कार्यक्रम लगायत कुनै पनि किसिमका भेला गर्न रोक लगाइएको छ । 

सङ्क्रमित संख्या : ७ सय ९०

निको भएर घर फिरेकाहरु : ६०

अस्पतालमा उपचाररत : ७ सय २८

मृतकको संख्या : २

मलेसिया सरकारको सल्लाह

- कोरोनाको सङ्क्रमणबाट बच्न सकेसम्म भिडभाडमा नजानु होस् 

-  सुरक्षा सतर्कताका लागि सरकारले जारी गरेका निर्देशन र सल्लाहबारे बेला बेलामा जानकारी लिनुहुोस् । 

- कुनै समस्या परेमा मलेसियामा रहेको नेपाली दूतावासमा ६०३२०२०१८९९ र ६०२०२०१८९८ मा सम्पर्क गर्न सकिन्छ । 

- मलेसियामा नेपालीका लागि काम गर्ने धेरै संघसंस्था छन् । समस्या पर्दा यस्ता संघसंस्थाको पनि सहयोग लिन सकिन्छ । 

अन्तिम अपडेट: मंसिर ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई