आज राति देशका विभिन्न ठाउँमा हावाहुरी र चट्याङ सहित पानी पर्ने सम्भावना

चैत १८, २०७६ मंगलबार १२:७:४३ | उज्यालो सहकर्मी

काठमाण्डौ – मङ्गलबार बेलुका देशका विभिन्न ठाउँमा हावाहुरी र चट्याङ सहित पानी पर्ने मौसमविद्ले बताएका छन् ।

आज दिउँसोपछि पश्चिमी वायु नेपाल प्रवेश गर्न लागेकाले बेलुकीदेखि देशका विभिन्न ठाउँमा हावाहुरी र चट्याङ सहित पानी पर्ने सम्भावना रहेको मौसमविद् समिर श्रेष्ठले जानकारी दिनुभयो । उहाँका अनुसार पश्चिमी वायु पश्चिम नेपालबाट प्रवेश गर्ने भएकाले पश्चिमका थोरै र मध्य तथा पूर्वका एक/दुई ठाउँमा चट्याङ र हावाहुरी सहित पानी पर्ने सम्भावना छ ।

यस्तै उच्च हिमाली तथा पहाडी भेगमा हल्का हिमपात पनि हुनेछ । यो प्रणालीको असर बेलुकीदेखि बुधबार बिहानसम्म देखिने मौसमविद् श्रेष्ठको भनाई छ । तर बुधबार पनि देशभरिकै मौसम पूर्णरुपमा नखुल्ने उहाँले बताउनुभयो ।

पश्चिमी वायुको प्रभावका कारण आज दिउँसो देशको पश्चिमी क्षेत्रको मौसम आंशिकदेखि सामान्य बदली र मध्य तथा पूर्वका पहाडी क्षेत्रको मौसम आंशिक बदली हुनेछ । अरु ठाउँको मौसम भने सामान्यतया सफा नै रहने मौसमविद् श्रेष्ठले जानकारी दिनुभयो ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्