दुबईमा सामान किन्न बाहिर निस्कँदै हुनुहुन्छ ? बिल साथैमा राख्नुहोस्

चैत २३, २०७६ आइतबार १८:२५:२४ | उज्यालो सहकर्मी

काठमाण्डौ – तपाईँ दुबईमा अत्यावश्यक सामान किन्न निस्कँदै हुनुहुन्छ भने सामान किनेको बिल साथैमा राख्नुहोला । दुबईमा कोरोना रोकथामका लागि दुई हप्तासम्म २४ घण्टे लकडाउन गरेकाले यो समयमा कसैलाई पनि बाहिर निस्कन रोक लगाइएको छ ।

त्यसैले यो समयमा बाहिर निस्कने प्रत्येक व्यक्तिलाई प्रहरीले निगरानीमा राख्ने भएकाले प्रहरीले मागेमा बाहिर निस्कनुको कारण बताउनुपर्ने हुन्छ । त्यसका लागि अत्यावश्यक सामान किनेको प्रमाण प्रहरीलाई देखाउनुपर्छ ।

अत्यावश्यक सामान किन्न पनि परिवारको एक जना सदस्य मात्र निस्कन प्रहरीले अनुरोध गरेको छ । दुई हप्तासम्म प्रहरीले दुबईका रोडमा निस्कने हरेक गाडीको जानकारी राख्नेछ ।

दुबईको संकट तथा प्रकोप व्यवस्थापन सम्बन्धी उच्चस्तरीय समितिले शनिबार रातिदेखि दुई हप्ताका लागि व्यापार–व्यवसाय, आवातजावत, कलकारखाना, यातायात सबै प्रतिबन्ध लगाएको गल्फ न्युजले उल्लेख गरेको छ ।

कोरोना सङ्क्रमण रोकथामका लागि सञ्चालन भएको राष्ट्रिय अभियानलाई थप विस्तार गर्दै अब २४ सै घण्टा सरसफाई एवं किटनाशक अभियान सञ्चालन गरिनेछ। स्वास्थ्य संस्था, औषधि पसल, खाद्य सामाग्री आपूर्ति केन्द्रहरु, औषधि कारखाना लगायत अत्यावश्यक क्षेत्र भने खुला नै रहनेछन् ।

बाहिर निस्कँदा सबैलाई मास्क लगाएर सामाजिक दूरी कायम राख्न आग्रह गरिएको छ ।

सम्बन्धित समाचार

यूएईको दुबई सहर दुई हप्ताका लागि लकडाउन, सबैलाई घरभित्रै बस्न आग्रह

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्