‘पाहुनासँगै कोरोना पनि आउन सक्छ, ओहोरदोहोर नगर्नुस्’

चैत २४, २०७६ सोमबार ९:५८:१० | सजना तिमल्सिना

काठमाण्डौ – लकडाउनका बेला पाहुना लाग्न जाने र पाहुना बोलाउने गरेको पाइएको भन्दै सरकारले त्यसो नगर्न अनुरोध गरेको छ । कोरोना एक व्यक्तिबाट अर्को व्यक्तिमा सजिलै सर्ने भएकाले पाहुनासँगै कोरोना पनि भित्रिन सक्ने भएकाले सचेत हुनुपर्ने स्वास्थ्य तथा जनसङ्ख्या मन्त्रालयले जनाएको हो ।

मन्त्रालयका प्रवक्ता डाक्टर विकास देवकोटाले कोरोनाको सङ्क्रमण कसैमा भए त्यो अर्को व्यक्तिमा पनि सजिलै सर्न सक्ने भएकाले अहिले पाहुना लाग्न जाने र पाहुना बोलाउने समय नभएको बताउनुभयो ।

कोरोनाको सङ्क्रमण फैलन नदिन नै सरकारले लकडाउनको घोषणा गरेकाले पालना गर्न उहाँले आग्रह गर्नुभएको छ । तरकारी, फलफूल लगायतका अति आवश्यक सामग्री किन्न जाने भन्दै मानिसहरु निस्कने गरेकाले रोक्न नसकिएको महानगरीय प्रहरी वृत सातदोबाटोका प्रहरी नायब उपरीक्षक (डीएसपी) मित्रबन्धु शर्माले बताउनुभयो ।

सरकारले कोरोना रोकथाम तथा नियन्त्रणको लागि लकडाउन घोषणा गरेर अति आवश्यक नपरि घरबाहिर ननिस्कन भनेको छ । तर केही व्यक्ति घरमा एक्लै बस्न मन नलागेको भन्दै आफन्तकोमा जाने र आफन्तलाई बोलाउने गरेको गुनासो आएको प्रहरीले बताएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सजना तिमल्सिना

सजना तिमल्सिना उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्