बहराइनमा नेपाली दूतावासको कन्सुलर सेवा बन्द

चैत २७, २०७६ बिहीबार १८:५४:९ | उज्यालो सहकर्मी

काठमाण्डौ – बहराइनमा रहेको नेपाली दूतावासले कन्सुलर सेवा बन्द गरेको छ । कोरोना सङ्क्रमण रोकथामका लागि १२ अप्रिलदेखि अर्को सूचना जारी नहुँदासम्मका लागि कन्सुलर सेवा बन्द गरिएको दूतावासले जनाएको छ ।

अर्को सूचना जारी नहुँदासम्मका लागि पासपोर्टको म्याद सकिन लागेको भएमा, पाना सकिएमा वा हराएमा दूतावासबाट नयाँ पासपोर्ट र यात्रा अनुमती जारी हुने छैन ।

तर अत्यावश्यक सेवा लिन परेमा दूतावासमा अग्रिम समय लिएर एक जना मात्र स्थानीय समय अनुसार बिहान १० बजेदेखि दिनको १ बजेसम्ममा दूतावासमा गएर सेवा लिन सकिनेछ । कुनै पनि सेवा लिनका लागि दूतावासको कार्यालयसम्म जान नपर्ने र त्यसका लागि फोन वा इमेलमार्फत सेवा लिन सकिने पनि दूतावासले जनाएको छ।

बहराइन सरकारले पनि सरकारी तथा निजी शैक्षिक संस्थाहरु बन्द गर्नुका साथै सरकारी सेवाहरु सकेसम्म अनलाइनमार्फत उपलब्ध गराएको छ । अत्यावश्यक सेवाका लागि हटलाइनको व्यवस्था गरिएको छ । सार्वजनिक स्थानमा जाँदा अनिवार्य रुपमा मास्क गर्न र भिडभाड नगर्न पनि दूतावासले अनुरोध गरेको छ ।

बहराइनमा अहिलेसम्म २२ जना नेपाली श्रमिकमा कोरोना सङ्क्रमण भएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्