डेनमार्कमा अध्ययनरत नेपालीद्वारा दुई जिल्लाका अस्पताल र प्रहरीलाई स्वास्थ्य सामग्री सहयोग

वैशाख ७, २०७७ आइतबार ११:२४:३६ | जयराज अवस्थी

बैतडी - जिल्लाको दुर्गम सिगास घर भइ डेनमार्कमा अध्ययनरत एक मनकारी विद्यार्थीले कोरोनाको सङ्क्रमणबाट जोगिन आवश्यक पर्ने स्वास्थ्य सामग्री बैतडी र दार्चुलाका अस्पताल र सशस्त्र प्रहरीका लागि पठाएका छन् ।

डेनमार्कमा अध्ययनरत पंकज चन्दले जिल्ला अस्पताल बैतडी, जिल्ला अस्पताल दार्चुला, बैतडीस्थित सशस्त्र प्रहरी बल नम्बर ५१ गुल्म र दार्चुलास्थित सशस्त्र प्रहरी बल नम्बर ५० गुल्मलाई स्वास्थ्य सामग्री पठाउनुभएको छ ।

दुवै अस्पताललाई समान रुपमा २ सय ५० वटा सर्जिकल मास्क, ४ सय पञ्जा, ५ वटा स्यानेटाइजर र ४ थान पीपीई हस्तान्तरण गरिएको छ ।

यस्तै बैतडी र दार्चुलाका सशस्त्र प्रहरीका गुल्मलाई समान रुपमा ३ सय ५० थान मास्क, ४ सय थान पञ्जा र ८ वटा स्यानेटाइजर पठाइएको सशस्त्र प्रहरी बल नम्बर ५१ गुल्मका सशस्त्र प्रहरी नायब उपरीक्षक अमित सिंहले जानकारी दिनुभयो ।

गृह जिल्ला बैतडीको स्वास्थ्य अवस्था सम्झेर पंकजले अनलाइनमार्फत काठमाण्डौमा स्वास्थ्य सामग्री खरिद गरेर पठाउनुभएको हो ।

कोरोना भाइरसविरुद्धको अग्रमोर्चामा रहेका स्वास्थ्यकर्मी र सुरक्षाकर्मीले स्वास्थ्य सामग्री पाएपछि भाइरसको जोखिमबाट बच्न सहज हुने बैतडी अस्पतालका प्रमुख डा. बसन्तराज जोशीले बताउनुभयो ।

विदेशबाट गृह जिल्लालाई सम्झिएर स्वास्थ्य सामग्री पठाउनु निकै प्रशंसनीय कार्य भएको जोशीको भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्