विद्यालयकाे वार्षिक नतिजा रेडियाेबाट

वैशाख १८, २०७७ बिहीबार १०:४२:१ | उपेन्द्र येक्तेन

पाँचथर – कोरोना भाइरस (कोभिड–१९) को जोखिम नियन्त्रण गर्न सरकारले लकडाउन गरेसँगै विद्यालयहरुले वार्षिक नतिजासमेत प्रकाशन गर्न नसकिरहेको अवस्थामा फिदिम माध्यमिक विद्यालयले भने रेडियो र अनलाइनबाट नतिजा प्रकाशित गर्ने भएको छ ।

विद्यालयले बिहीबार स्थानीय इगल एफएमबाट साँझ साढे ७ बजेदखि ८ बजेसम्म नतिजाकाे विवरण प्रशारण गर्ने साथै अनलाइन तथा विद्यालयको फेसबुक पेजबाट पनि नतिजा प्रकाशन गर्ने तयारी गरेको प्रधानाध्यपक विनोद ठाकुरले बताउनुभयो ।

'लकडाउनमा रहेका विद्यार्थी तथा अभिभावकले परीक्षाफलका बारेमा बारम्बार प्रश्न सोधिरहनु भएको थियो', ठाकुरले भन्नुभयो, 'हामीले रेडियो तथा अनलाइनमार्फत नतिजा प्रकाशनको तयारी गरेका छौँ, अहिलेको परिस्थिति अनुुसार गर्नु जरुरी पनि छ ।'

परीक्षा दिएको लामो समयसम्म पनि नतिजा थाहा पाउन नसकेपछि विद्यार्थी र अभिभावकमा बढेको अन्याेल हटाउन यस्तो उपाय निकालेको विद्यालयका शिक्षक हरिचन्द्र लावतीले बताउनुभयो । फिदिम माविले स्थानिय रेडियो इगल एफएमबाट विद्यालयको बारेमा पाक्षिक रुपमा रेडियो कार्यक्रमसमेत सञ्चालन गर्दै आएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्