बैतडीमा अवैध रुपमा भारतबाट आउने क्रम रोकिएन, कोरोनाको जोखिम बढ्ने चिन्ता

जेठ ५, २०७७ सोमबार २०:३४:३९ | जयराज अवस्थी

बैतडी – लकडाउनका कारण सीमा नाका सिल रहेका बेला बैतडीमा महाकाली नदीमा ट्युबको माध्यमबाट अवैधानिक रुपमा भारतबाट नेपाल आउने क्रम रोकिएको छैन ।

पछिल्लो समय भारतबाट आएका अधिकांश नागरिकमा कोरोना भाइरस सङ्क्रमणको पुष्टि भइरहेका बेला बैतडीमा भने भारतबाट अवैधानिक रुपमा नेपाल प्रवेश गर्ने क्रम रोकिएको छैन ।

यसरी अवैधानिक रुपमा प्रवेश गर्नेहरुलाई सीमामै रोक्नको लागि सुरक्षाकर्मी परिचालन गरेको भए पनि सुरक्षाकर्मीको आँखा छलेर नेपाल प्रवेश हुने क्रम उस्तै नै रहेको छ ।

आइतबार मात्रै बैतडीका १२ जना महाकाली नदी तरेर आएकाे प्रहरी प्रवक्ता, प्रहरी निरीक्षक (इन्सपेक्टर) किसन चन्दले जानकारी दिनुभयो । उनीहरु बैतडीको धर्मघाट र दार्चुलाको लाली नाका भएर स्वदेश फिर्ता भएकाे बुझिएको छ ।

स्वदेश भित्रिनेमा जिल्लाको पुर्चौडी नगरपालिका र दोगडाकेदार गाउँपालिकाका ४/४, शिवनाथ गाउँपालिकाका ३ र पञ्चेश्वरका १ जना रहेका रहेका छन् । अवैधानिक रुपमा नेपाल प्रवेश गर्नेहरुलाई सम्बन्धित पालिकाको जिम्मा लगाएर क्वरेण्टीनमा राख्ने गरेको प्रहरीले जानकारी दिएकाे छ ।

बैतडीको भारतसँग सीमा जोडिएकोे झण्डै ६१ किलोमिटर क्षेत्रमा सशस्त्र प्रहरीकाे ६ वटा पाेस्ट खडा गरिएकाे छ । यसका साथै नेपाल प्रहरी र सशस्त्र प्रहरीको पनि सीमा क्षेत्रमा गस्ती जारी रहेको जिल्ला प्रशासन कार्यालय बैतडीले जनाएको छ । यसरी अवैधानिक रुपमा नेपाल नआउन् भनेर सुरक्षाकर्मीहरुले सीमामा चौबिसैँ घण्टा पहरा दिइरहेकाे बताइएकाे छ ।

यसरी पहरा दिँदा पनि महाकाली नदीबाट अवैधानिक रुपमा नागरिकहरु आइरहेका छन् । यसले कोरोनाको जोखिम बढ्ने भन्दै स्थानीयहरु चिन्तित छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्