भारत लगायत अरु देशमा अलपत्र परेका पाल्पालीलाई उद्धार गरिँदै

जेठ १०, २०७७ शनिबार १२:३७:३९ | देव पचभैया

पाल्पा - लकडाउनका कारण भारत तथा अन्य देशमा अलपत्र परेका पाल्पालीहरुलाई उद्धार गर्ने तयारी भएको छ ।

पाल्पाका पालिका प्रमुख तथा जिल्ला सुरक्षा निकायका प्रमुखसहितको बैठकले छिमेकी भारत लगायतका देशमा अलपत्र परेका पाल्पालीहरुलाई उद्धार गर्ने निर्णय गरेको जिल्ला प्रशासन कार्यालय, पाल्पाले जनाएको छ ।

उद्धार गरिएकाहरुलाई तानसेन नगरपाली भित्र स्थापना गरिने होल्ड क्वरेण्टीनमा राखिने र स्वास्थ्य परीक्षणपछि स्थानीय तहको क्वरेण्टीनमा लाने निर्णय भएको छ ।

भारत लगायतका देशमा रहेकाहरुले पालिका, प्रहरी तथा जिल्ला प्रशासन कार्यालयमा फोन गरेर सहयोगका लागि अपिल गरिरहेकाले उनीहरुको एकै पटकमा उद्धार गर्ने निति अघि सारिएको जनाइएको छ ।

बाहिरबाट ल्याइएकाहरुलाई अनिवार्य क्वरेण्टीनमा राखिने, उनीहरुको आरडीटी, पीसीआर विधिबाट चेकजाँच गरिने र त्यसको लागि तथ्याङ्क संकलन र व्यवस्थापनको लागि तानसेन नगरपालिकामा हेल्प डेक्सको स्थापना गरिने छ ।

बैठकले ताहु, तानसेन, रिब्दीकोट र रामपुरक्षेत्रमा ६ दिनभित्रै आइसोलेशन कक्षहरु निर्माण गर्ने निर्णय गरेको छ ।
विशेषगरी कामका लागि भारत गएका तर जारी लकडाउनका कारण नेपाल भारतको सीमासम्म आएर अलपत्र परेकाहरुलाई प्राथमिकता दिएर उद्धार गरिने जनाइएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्