बैतडीका पहिलो कोरोना सङ्क्रमित युवकको दोश्रो रिपोर्ट नेगेटिभ

जेठ २१, २०७७ बुधबार १२:४:५७ | जयराज अवस्थी

बैतडी - गएको जेठ ९ गते कोरोना पुष्टि भएका जिल्लाका पहिलो संक्रमित युवकको दोश्रो रिपोर्ट नेगेटिभ आएको छ ।

शिवनाथ गाउँपालिकाका २२ वर्षीय सङ्क्रमित युवकको १० औं दिनमा स्वाब संकलन गरेर पठाएकोमा दोश्रो रिपोर्ट नेगेटिभ आएको स्वास्थ्य कार्यालयका प्रमुख योगेशप्रसाद भट्टले जानकारी दिनुभयो ।

अहिले युवकको जिल्ला अस्पतालको आइसोलेसन कक्षमा उपचार भइरहेको र स्वास्थ्य अवस्था समान्य रहेको छ । प्रहरीको हिरासतमा रहेका ती युवकमा कोरोना सङ्क्रमण पुष्टि भएपछि जेठ ९ गतेदेखि नै जिल्ला अस्पतालको आइसोलेसनमा राखिएको छ ।

युवकको लगातार तेश्रो रिपोर्ट पनि नेगेटिभ आएमा मात्रै डिस्चार्ज गरिने भट्टले बताउनुभयो । सङ्क्रमित युवकको तेश्रो रिपोर्टका लागि स्वाब संकलन गरेर पठाइसकेको र रिपोर्ट आउन मात्रै बाँकी रहेको बताइएको छ ।

कोरोना सङ्क्रमित युवक शिवनाथ गाउँपालिकाकी १९ वर्षीय किशोरी गीता महरको मृत्यु प्रकरणमा पक्राउ परेकाले पुर्पक्षका लागि कारगार चलान गर्न अदालतले यसअघि नै आदेश दिइसकेको छ । सङ्क्रमित युवकले कोरोना जितेमा कारागार चलान हुने जनाइएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्