अर्घाखाँचीका २ जनाले जिते कोरोना

असार ३, २०७७ बुधबार १४:५:२६ | प्रेमनारायण आचार्य

अर्घाखाँची - अर्घाखाँची दुई जना कोरोना सङ्क्रमित उपचारपछि निको भएका छन् ।

पाणिनी गाउँपालिका वडा नम्बर-८, पालीको कमला माविको क्वरेण्टीनमा रहेका दुई जनाले कोरोना जितेको अर्घाखाँची अस्पतालका प्रमुख डाक्टर कपिल गौतमले बताउनु भयो ।

गएको जेठ २ गते भारतको रायबरेलीबाट पैदल हिँडेरै पाँच जना अर्घाखाँची आइपुगेका उनीहरुलाई पाणिनी गाउँपालिका वडा नम्बर ८ को विद्यालयको क्वरेण्टीनमा राखिएको थियो ।

गएको जेठ १० गते शनिबार उनीहरुको थ्रोट स्वाब सङ्कलन गरिएको थियो । प्रादेशिक प्रयोगशाला भैरहवामा गरिएको परीक्षणमा क्वरेण्टीनमा रहेका १९ वर्ष र ४३ वर्षका दुई पुरुषमा पीसीआर जाँच गर्दा गएको जेठ १३ गते कोरोना पोजिटिभ देखिएको थियो ।

उनीहरु निको भएको अस्पतालले जनाएपछि पुन: स्वाब परीक्षणको लागि पठाइएको थियो । अर्घाखाँची अस्पतालका प्रमुख डाक्टर गौतमले उनीहरुलाई घरमा गएर सेल्फ क्वरेण्टीनमा बस्ने गरी घरमा पठाइने जानकारी दिनुभयो । अहिलेसम्म अर्घाखाँचीमा कोरोना संक्रमितको संख्या ६१ पुगेको छ ।

अहिलेसम्म २ जनाको ज्यान गएको छ भने २ जनाले कोरोना जितेका छन् । यहाँका एक हजार पाँच सय ५६ जनाको स्वाब संकलन गरी पठाइएकोमा ५ सय ६६ जनाको रिपोर्ट आएको जिल्ला स्वास्थ्य कार्यालयका जनस्वास्थ्य निरीक्षक गणेशराज पौडेलले बताउनु भयो । । जसमध्ये ६१ जनाको कोरोना पोजिटिभ देखिएको हो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्