मिथिलाञ्चलमा १५ दिने मधुश्रावणी सुरु, बेहुलीको खुट्टामा पोलेपछि समापन हुन्छ पर्व

साउन १७, २०७५ बिहीबार १९:४३:१२ | शैलेन्द्र महतो

धनुषा – मिथिलाञ्चल क्षेत्रमा नवविवाहिता महिलाहरुले मनाउने मधुश्रावणी पर्व बिहीबारदेखि सुरु भएको छ ।

साउन शुक्ल पञ्चमी तिथिका दिनदेखी सुरु हुने मधुश्रावणी पर्व १५ दिनसम्म पतिको चिरायुको कामना गर्दै मनाईन्छ ।

मधुश्रावणी पर्वको पहिलो दिन बिहीबारदेखि फुललोढी सुरु भएको छ ।

मधुश्रावणी पर्वमा शिव र पार्वती तथा नाग देवताको पूजा गर्ने चलन छ । नवविवाहिताहरुले माटोको नागदेवता बनाई १५ दिनसम्म समूहमा गीत गाउँदै गई फुलपात टिपेर साँझ र विहान पूजा गर्ने गर्दछन् ।

यस क्षेत्रमा यो पर्वको अति नै महत्व रहेको मधुश्रावणी पूजा गराउँदै आएकी जनकपुरकी कुम्दिनी झाले बताउनुभयो ।

प्रायः ब्राह्मण, कायस्थ र सोनार जातीका नवविवाहिताहरुले यो पर्व पतिको दिर्घायुको कामना गर्दै मनाउने गर्दछन् ।

साउन शुक्ल पञ्चमी तिथिका दिनदेखि मधुश्रावणी शुरु भई १५ दिन पछि कृष्ण पक्षको पञ्चमी तिथिका दिन सम्पन्न हुने गर्दछ ।

यो १५ दिनको अवधीमा पहिलो पञ्चमीलाई मैनापञ्चमी र अन्तिम पञ्चमीलाई मधुश्रावणी भन्ने गरिन्छ ।

१५ दिनसम्म गौरीशंकर र नागदेवताको पूजा गरेपछि अन्तिम दिन ‘टेमी’ कपासको बत्तीले बेहुलीको घुँडा र खुट्टाको पञ्जामा पोलेर ‘मधुश्रावणी’ पर्वको अन्त्य हुन्छ ।

बत्तीले पोलेपछि बेहुलीको खुट्टामा फोका आउँदा उसको वैवाहिक जिवन राम्रो हुने धार्मिक जनविश्वास रहिआएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्