कतार, यूएई र कुवेतबाट आइपुगे ६ सय नेपाली, जापानबाट पनि २५४ जना फर्कंदै

असार ११, २०७७ बिहीबार १२:९:३७ | उज्यालो सहकर्मी

काठमाण्डौ – आज कुवेत, कतारको दोहा र यूएईको आबुधाबीबाट ६०९ जना नेपालीहरु स्वदेश आइपुगेका छन् । कतारको दोहाबाट हिमालय एअरलाइन्सको चार्टर्ड उडानमार्फत १५८ जना स्वदेश आईपुगेका हुन् । कतारमा रहेको नेपाली दूतावासकाअनुसार १० जना महिला, २ जना बालबालिका र १४६ जना पुरुष फर्किएका छन् ।

यस्तै यूएईको आबुधाबीबाट हिमालय एअरलाइन्समार्फत १५२ जना नेपाली स्वदेश फर्किएका छन् भने कुवेतबाट नेपाल एअरलाइन्सको चार्टर्ड जहाजमार्फत १४९ जना र कुवेतबाटै आममाफीमा सहभागी १५० जना जजिरा एअरमार्फत काटमाण्ठौ आइपुगेका छन् । कुवेत सरकारले आममाफीमा सहभागी नेपालीलाई भने निःशुल्क ल्याइदिइरहेको छ ।

यस्तै आज जापानको नारिताबाट नेपाल एअरलाइन्सको चार्टर्ड उडानमार्फत २५४ जना स्वदेश फर्कनेछन् भने एअर अरेबियाले यूएईको सारजहा विमानस्थलबाट नेपाली लिएर काठमाण्डौ आउनेछ । एअर अरेबियाले यात्रु सङ्ख्या भने खुलाएको छैन ।

यस्तै कोरोनाको जोखिमका कारण बन्द भएको वैदेशिक रोजगारी फेरि खुलाउने र जोखिम कम भएका देशमा श्रमिक पठाउने सरकारको योजना रहेको छ । अघिल्लो शुक्रबार सरकारले बिदामा आएकालाई पुनः श्रम स्वीकृतिसँगै नयाँलाई पनि रोजगारीमा जान दिने निर्णय गरेको हो । तर त्यसका लागि श्रम, रोजगार तथा सामाजिक सुरक्षा मन्त्रालयको सिफारिस अनिवार्य चाहिन्छ ।

सरकारको निर्णयपछि श्रम मन्त्रालयले काम अघि बढाएको जनाएको छ । तर सरकारले वैदेशिक रोजगारीमा श्रमिकलाई जान दिने निर्णय गरे पनि नेपालीको मुख्य श्रम गन्तव्य देशले भने यात्रुको प्रवेशमा रोक नै लगाएका छन् । कतिपय देशमा अन्तर्राष्ट्रिय उडान बन्द नै छ भने खुलेका देशले पनि केही निश्चित यात्रुलाईबाहेक अरुलाई प्रवेशमा रोक लगाएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्