भारतीय दूतावासले दिएकाे एम्बुलेन्स २ वर्षदेखि बेवारिसे, 'मर्मतकाे खर्च जुटाउन दाता खाेज्दैछाैँ'

असार १७, २०७७ बुधबार १८:३३:४० | सुवास दर्नाल

सोलुखुम्बु – नेपाल रेडक्रस सोसाइटी जिल्ला शाखा सोलुखुम्बुको एम्बुलेन्स दुई वर्षदेखि सदरमुकाम सल्लेरीको सडकमा बेवारिसे बनेको छ ।

भारतीय दूतावासद्वारा झण्डै ११ वर्षअघि रेडक्रसलाई सहयोग स्वरुप प्राप्त भएको एम्बुलेन्स झण्डै दुई वर्षदेखि सल्लेरीको सडकमा बेवारिसे बनेको हो ।

जिल्लाकै पहिलो बा ७ च ३८५७ नम्बरको एम्बुलेन्स भारत स्वतन्त्रताको उपलक्ष्यमा विसं २०५५ साल फागुनमा भारतीय दूतावासले सहयोग गरेको थियो ।

झण्डै नाै वर्ष सञ्चालन भएको एम्बुलेन्स मर्मतकाे लागि ठूलो धनराशी खर्च हुने भएकाले दाताको खोजीमा रहेको रेडक्रस जिल्ला शाखा सोलुखुम्बुका सभापति रामकाजी श्रेष्ठको भनाइ छ ।

उहाँका अनुसार यस एम्बुलेन्स मर्मतकाे लागि ६ लाख ४१ हजार बराबरको लागत लाग्ने अनुमान छ । नयाँ खरिद गर्न झण्डै १२ लाख रुपैयाँ पर्ने एम्बुलेन्स मर्मत खर्च ६ लाखभन्दा धेरै लाग्ने भएपछि समस्या भएको उहाँको भनाइ छ ।

लामो समय ग्रामीण भेगमा सञ्चालन भएका कारण इन्जिनलगायतका अन्य पाटपुर्जा बिग्रिएको सभापति श्रेष्ठले बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्