भारतबाट आउनेको सङ्ख्या घट्दै गएपछि क्वरेण्टीन रित्तिंदै

असार १९, २०७७ शुक्रबार १२:३७:२९ | जयराज अवस्थी

बैतडी – कोभिड–१९ रोकथामका लागि बैतडीमा निर्माण गरिएका क्वरेण्टीनहरु रित्तिदै गएका छन् । भारतबाट घर फर्किनेहरुको सङ्ख्या घट्दै गएसँगै सम्भावित सङ्क्रमित राखिने क्वरेण्टीनहरु रित्तिंदै गएका हुन् ।

जिल्लाभर २५० स्थानमा गरी ६ हजार ९ सय ८९ जनासम्म अटाउने गरी निर्माण गरिएका क्वरेण्टीन रित्तिदै गएका बैतडीका कोभिड १९ सम्पर्क व्यक्ति भुवनप्रसाद जोशीले बताउनुभयो ।

जिल्लाका १० वटै पालिकामा गरेर अहिले ७०६ जना मात्रै क्वरेण्टीनमा बसिरहेका छन् । सिगास गाउँपालिकामा सबैभन्दा बढी १७६ जना क्वरेण्टीनमा बसेका छन् । यस्तै पञ्चेश्वर गाउँपालिकामा १११, पुर्चौडी नगरपालिका र दशरथचन्द नगरपालिकामा ७४/७४, पाटन नगरपालिकामा ७३, मेलौली नगरपालिकामा ५८, डिलाशैनी गाउँपालिकामा ५२, शिवनाथ गाउँपालिकामा ४५, दोगडाकेदार गाउँपालिकामा ३१ र सुर्नया गाउँपालिकामा १२ जना क्वरेण्टीनमा बसिरहेका छन् ।

आरडीटी पोजेटिभ देखाएका र भारतबाट फर्किएर १४ दिन पूरा नभएकाहरु क्वरेण्टीनमा बसिरहेका छन् । तर पछिल्लो समय भारतबाट आउनेको सङ्ख्या घट्दै गएपछि क्वरेण्टीनमा बस्नेहरुको सङ्ख्या पनि घटेको हो ।
बैतडीमा अहिलेसम्म २३७ जनामा कोरोना सङ्क्रमणको पुष्टि भएको छ ।

जिल्लाका सबै पालिकामा कोरोना सङ्क्रमण फैलिएको हो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्