दशगजा क्षेत्रमा गोली प्रहार गरी एक नेपाली युवकको हत्या, घटनास्थलबाट पेस्तोल बरामद

साउन १८, २०७५ शुक्रबार १९:२९:२५ | शैलेन्द्र महतो

धनुषा – धनुषामा गोली प्रहार गरी दशगजा क्षेत्रमा एक युवकको हत्या भएको छ ।

धनुषाको जनकनन्दनी गाउँपालिका –१, इनरवामा गोली प्रहार गरी कमला नगरपालिका –८, का २५ वर्षीय राजेश यादवको हत्या भएको प्रहरीले जनाएको छ ।

नचिनेका मानिसको समूहले यादवलाई बिहीबार राति १ बजे तिर नै हत्या गरे पनि बिहान ७ बजेर ४० मिनेटमा प्रहरीलाई स्थानीयबासिन्दाले जानकारी गराएको इलाका प्रहरी कार्यालय खजुरीका प्रहरी निरीक्षक केशवराज थानदारले बताउनुभयो । मृतक यादवको कन्चटमा २ गोली र काखीमा एक गोली गरी तीन गोली लागेको उहाँले जानकारी दिनुभयो । प्रहरीका अनुसार घटनास्थलबाट एउटा पेस्तोल, गोलीको तीनवटा खोका र ज ५ प ६३२१ नम्बरको मोटरसाइकल बरामद भएको छ ।

घटना नेपाल भारतको सीमाना दशगजाभन्दा ५ सय मिटरभित्र भएकाले गोली प्रहार गर्ने समूह भारततिरको हुन सक्ने र मृतक यादवसमेत आपराधिक जस्तो देखिएको प्रहरीका आशंका छ । राति घटना भएको बेला गोली चलेको आवाज सुनिएको स्थानीय बासिन्दाले प्रहरीलाई बताएको जनाएको छ । मृतक यादवको शवलाई पोष्टमार्टमका लागि जनकपुर अञ्चल अस्पतालमा राखिएको र घटना विषयमा थप अनुसन्धान भइरहेको प्रहरीले जनाएको छ ।

गएको वर्ष पनि त्यही क्षेत्रमा गोली प्रहार गरी एक पुरुषको हत्या भएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्