स्थानीयको अवरोधका बीच पर्साका तीन जना कोराना सङ्क्रमितको शव व्यवस्थापन

साउन १७, २०७७ शनिबार १३:५२:३३ | केसी लामिछाने

काठमाण्डौ - स्थानीयको अवरोधका बीच पर्साका तीन जना कोराना सङ्क्रमितको शव व्यवस्थापन गरिएको छ ।

वीरगञ्ज महानरपालिका-३१ मिलनचोकमा स्थानीय र प्रहरीबीच शव व्यवस्थापनको विषयमा झडप भएको थियो ।

झडपकै बीच गएराति अबेर सुरक्षाकर्मीले कोरोनाका कारण ज्यान गुमाएका तीन वटा शवलाई वीरगञ्ज महानगरपालिकाको उत्तरमा रहेको जंगलमा लगेर व्यवस्थापन गरेका हुन् । शव व्यवस्थापन गर्न लैजाने क्रममा भिड हटाउन प्रहरीले ६ राउण्ड अश्रुग्यास र ५ राउण्ड हवाई फायर गरेको थियो । स्थानीयले प्रहरीमाथि ढुङ्गामुढा गरेका थिए ।

झडपमा प्रहरीतर्फका ८ जना घाइते भएका छन् । घाइते प्रहरीको उपचार चलिरहेको र केही दिन आराम गर्नुपर्ने भएको प्रहरी उपरीक्षक गंगा पन्तले बताउनु भयो । पन्त स्वयंलाई पनि सामान्य चोट लागेको छ ।

हिजो बेलुका ७ बजेतिर जीतपुर बजारका स्थानीय जम्मा भएपछि झडप सुरु भएको थियो । मोबाइलमार्फत मिलनचोक आसपासका नागरिकलाई सुरक्षाकर्मीको प्रतिवाद गर्नका लागि मिलनचोकमा आउन सूचना प्रवाह भयो । एकैछिनमा सयौँ मानिसको सहभागिता भयो। शोलखपुर, मिलनचोक कटगेनवा लगायतका गाउँबाट मिलनचोकमा मानिसहरु जम्मा भएका थिए ।

स्थानीयले कोरोना सङ्क्रमणका कारण ज्यान गएकाहरुलाई आफनो क्षेत्रमा शव व्यवस्थापन गर्न नदिने अडान लिएर प्रहरीलाई अवरोध गरेका थिए ।

यद्यपी स्थानीय प्रशासनले भने शव लैजानुभन्दा पहिला राजनीतिक दल, समाजिक अगुवा सबैसँग छलफल गरेर शव व्यवस्थापन गर्ने वातावरण बनाएको थियो । मिलनचोकबाट उत्तरतिरको जंगलतर्फ जाने बाटो खराब भएकाले पहिला नेपाल प्रहरी र सशस्त्र प्रहरीले बाटो बनाउने र पछि नेपाली सेनाले शव लाने पूर्व तयारी भएको थियो ।

तर स्थानीयले भने घाँस दाउरा गर्न जंगल जानु पर्ने वस्तु भाउ चराउन जंगल जाँदा कोरोना भाइरसको सङ्क्रमण फैलने डरका कारण शव व्यवस्थापन गर्न अवरोध सृजना गरेका हुन ।

अस्ति वीरगञ्जमा कोरोना भाइरस सङ्क्रमणका कारण तीन जनाको ज्यान गएको थियो । जगदम्बा इन्टर इन्टरप्राइजेजका प्रमुख कार्यकारी अधिकृत ५६ वर्षीय, वीरगञ्ज-१६ नगवाका ३५ वर्षीय र वीरगञ्ज–२ छपकैयाका ६५ वर्षीय पुरुषको शव व्यवस्थापन गरिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्