प्रदेश २ का कानुन मन्त्री यादवलाई कोरोना सङ्क्रमण पुष्टि

साउन २२, २०७७ बिहीबार १२:२०:४६ | केसी लामिछाने

पर्सा - प्रदेश २ का आन्तरिक मामिला तथा कानुनमन्त्री ज्ञानेन्द्र यादवलाई कोरोना सङ्क्रमण पुष्टि भएको छ ।

उहाँसहित प्रदेश सभासदस्य रिना यादवसमेत कोरोना सङ्क्रमित हुनुभएको छ । पीसीआर परीक्षण रिपोर्टमा आन्तरिक मामिला मन्त्रालय मन्त्री यादवसहित ८ जनामा कोरोना पोजेटिभ देखिएको हो ।

मन्त्री यादव होम आइसोलेशनमा बस्नुभएको छ । मन्त्रालयको सम्पूर्ण कामकाज बन्द गरिएको छ । मन्त्री ज्ञानेन्द्रकुमार यादवले आफूलाई कोरोना सङ्क्रमण पुष्टि भएको बताउनुभयो ।

उहाँ साउन १८ गते काठमाण्डौबाट फर्केर १९ गते स्वाब संकलन गराउनुभएको थियो । उहाँले आफूमा सङ्क्रमण पुष्टि भए पनि अवस्था गम्भीर नरहेको बताउनुभएको छ ।

मन्त्री यादवले काठमाण्डौमा रहँदा प्रधानमन्त्री केपी शर्मा ओली, प्रहरी महानिरीक्षक र ७ वटै प्रदेशका आन्तरिक तथा कानुन मन्त्रीसँग भेट गर्नुभएको थियो ।

यसैबीच नेपाली कांग्रेसका केन्द्रीय सदस्य एवं पूर्व मन्त्री अजयकुमार चौरसियालाई पनि कोरोना सङ्क्रमण पुष्टि भएको छ ।

नारायणी अस्पतालको पीसीआर परीक्षण प्रयोगशालाले बिहीबार बिहान सार्वजनिक गरेको पछिल्लो रिपोर्टअनुसार ५६ वर्षीय नेता चौरसियामा कोरोना भाइरसको सङक्रमण देखिएको हो । चौरसिया वीरगञ्ज-११ मा रहेको आफ्नै घरमा आइसाेलेशनमा बस्नु भएकाे छ ।

‘घरमा आइसोलेशनमा बसेको छु’ उहाँले भन्नु भयो ‘आवश्यक परे चिकित्सकको सल्लाहअनुसार अस्पताल पनि जानु पर्छ ।’ पार्टीभित्र महाधिवेशनका विषयमा छलफल चलेको बेला नेता चौरासिया केही दिन अगाडि काठमाण्डौ जानु भएको थियो ।

काठमाण्डौबाट फर्किएपछि उहाँमा ज्वरो र रुघाखोकी देखा परेको थियो । उहाँले मङ्गलबार आफ्नो स्वाब परीक्षणका लागि दिनु भएको थियो । बिहीबार बिहान थपिएका ४३ सङ्क्रमितमा नेता चौरसियाको समेत पोजेटिभ रिपोर्ट आएको हो । चौरसियाको स्वास्थ्य अवस्था सामान्य रहेको छ ।

साउन महिनामा मात्र पर्सामा ५ सय ८२ जना नयाँ सङ्क्रमित थपिएका छन् । त्यही अवधिमा १४ जना कोरोना सङ्क्रमितको मृत्यु समेत भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्