पीसीआर मेसिन बिग्रियो, कोरोना परीक्षण रोकियो

भदौ ७, २०७७ आइतबार २०:०:१७ | विमल बिष्ट

डोटी – जिल्ला अस्पताल डोटीमा कोरोना भाइरसको परीक्षण गर्ने पीसीआर मेसिन बिग्रिएको छ । पीसीआर मेसिन बिग्रिएसँगै जिल्लामा सङ्कलन गरिएको स्वाब परीक्षणको कार्य पनि रोकिएको छ ।

सुदूरपश्चिम प्रदेश सरकार सामाजिक विकास मन्त्रालयको सहयोगमा यही भदौ २ गते जडान गरिएको मेसिन आइतबार बिग्रिएको हो ।

पीसीआर मेसिन कुन कारणले बिग्रिएको हो भन्नेबारेमा जानकारी लिने र प्राविधिक टोली मगाएर बनाएपछि काम सुरु गरिने जिल्ला स्वास्थ्य कार्यालय डोटीका प्रमुख रमेश मलासीले बताउनुभयो ।

गएको भदौ २ गते जडान गरिएको पीसीआर मेसिन ६ दिन नपुग्दै बिग्रिएपछि कोरोना परीक्षण गर्ने स्वास्थ्यकर्मीसमेत अचम्ममा छन् ।

पीसीआर मेसिन बिग्रिएपछि अहिले कोरोना परीक्षणका लागि जिल्लामा सङ्कलन भएका स्वाब कैलालीको धनगढी प्रयोगशाला र डडेल्धुरा प्रयोगशालामा पठाइएको स्वास्थ्य प्रमुख मलासीले जानकारी दिनुभयो ।

बिग्रिएको पीसीआर मेसिन कहिलेसम्म बन्छ भन्नेबारे आफूलाई जानकारी नभएको उहाँले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्