विदेशबाट पीसीआर परीक्षण गरी रिपोर्ट नेगेटिभ आएकाहरु होटल क्वरेण्टीनमा बस्न नपर्ने, सिधै घर जान पाउने

 भदौ ८, २०७७ सोमबार १८:५१:३९ | उज्यालो सहकर्मी
unn.prixa.net

काठमाण्डौ – विदेशबाट फर्कंदा पीसीआर रिपोर्ट नेगेटिभ भएको प्रमाण लिएर आउने होटल क्वरेण्टीनमा बस्न नपर्ने भएको छ ।

संस्कृति पर्यटन तथा नागरिक उड्डयमन्त्री योगेश भट्टराईले विदेशबाट पीसीआर परीक्षण गरी रिपोर्ट नेगेटिभ आउनेले होटल क्वरेण्टीनमा बस्नुनपर्ने बताउनुभएको हो ।

विदेशबाट आउने नागरिकले होटल क्वरेण्टीनमा बस्नुपर्ने सरकारी निर्णयको आलोचना भएसँगै पर्यटनमन्त्री भट्टराईले पीसीआर रिपोर्ट नेगेटिभ आएकाहरु सिधै घर जान पाउने स्पष्ट पार्नुभएको हो ।

सरकारले विभिन्न देशमा अलपत्र नागरिकहरुलाई उद्धार गरी होटल क्वरेण्टीनमा ७ दिन राख्ने निर्णय गरेको थियो । कोरोना संक्रमणको दर कम भएका र पीसीआर परीक्षण सहज भएका देशबाट आउनेले पीसीआर रिपोर्ट नेगेटिभ भएपछि मात्रै नेपाल ल्याइने र उनीहरुले होटल क्वरेण्टीनमा बस्नुनपर्ने उहाँले बताउनुभयो ।

पीसीआर परीक्षण सहज नभएका देशहरुका लागि उद्धार उडान गरिने र पीसीआर परीक्षण नगरी नेपाल आउने नागरिकले होटल क्वरेण्टीनमा बस्नुपर्ने उहाँको भनाई छ । अर्को देशबाट आएर क्वरेण्टीनमा बस्दा व्यक्तिले नै खर्च व्यहोर्नुपर्ने नियम विश्वका अरु देशहरुमा समेत रहेको भन्दै उहाँले ११ हजारमा ७ रात र ८ दिनको होटल क्वरेण्टीनमा बस्न सकिने बताउनुभयो ।

विदेशमा अलपत्र परेका, स्वदेश फर्किन सक्ने कुनै पनि आधार नभएका नागरिकहरुलाई भने सरकारी खर्चमा उद्धार गरिने उहाँले बताउनुभयो ।

पीसीआर अनिवार्य गरिएका देशहरुबाट कोरोना पोजेटिभ भएको वा परीक्षण नगरेको व्यक्तिलाई ल्याइए सम्बन्धित एयरलाइन्स कम्पनीले सबै यात्रुहरूको क्वरेण्टीन खर्च व्यहोर्नुपर्ने उहाँले बताउनुभयो । नेपाल घुम्न आउने पर्यटकहरुका लागि नभएर विदेशमा अलपत्र परेका नेपाली, नेपाल आउनै पर्ने कुटनीतिक नियोगका पदाधिकारी विकास साझेदार संस्थाका कर्मचारीहरु मात्रै आउन पाउने उहाँले बताउनुभयो ।

अन्तिम अपडेट: मंसिर ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • युवराज दवासे

    Aug. 26, 2020, 10:07 p.m.

    सहि निर्णय , विभिन्न मुलकहरुबाट छुट्टी आएकाहरुलाई पुन आफ्नो काममा फर्कने बाताबरण मिलाइदिए धन्य हुने थियो!

  •  0 Reply

  • Jay Kishor Mahato

    Aug. 24, 2020, 11:52 p.m.

    २ महिना देखि विदेशमा अलपत्र परेर बसेका नेपालीहरु कहाँ वाट काठमाडौंमा १ हप्ता क्वरेन्टिनमा बस्न सक्छ, त्यो पनि प्रतिदिन ९ हजार तिरेर ....पीसीआर नेगेटिभ रिपोर्ट हुनेलाई सिधै घर पठाए भैहाल्छ नि ....

  •  0 Reply

  • Jhalak gharti magar

    Aug. 24, 2020, 7:15 p.m.

    ईन्डिया देखि आफ्नो काम गुमाएका अनि नेपाल आफ्नो परिवारलाई भेट्न् आउँदा त्यो ब्याक्तीले पनि आफ्नै खर्चमा होटेल क्वारेन्टाइन बस्नुपर्ने हो? ईन्डियामा 5/10 हजारमा नोकरी गरेर परिवारको पेटपाल्ने ब्याग्तीले कसरी ११ हजार तिरेर होटेलमा क्वारेन्टाइन बस्न सक्छ? त्यो ब्याग्ती के आफ्नो जन्मठाँउ फर्किनु नपाउने हो या तेस्ता ब्याग्तीलाई के बेवास्ता छ?

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

खाँडाचक्र नगरपालिकाका निमित्त प्रमुख प्रशासकीय अधिकृत जिम्मेवारीबाट हटाइए

४

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई