लकडाउन भएदेखि साउन मसान्तसम्ममा ११ हजारभन्दा धेरै नेपाली विदेशिए

भदौ १०, २०७७ बुधबार १४:५९:१ | उज्यालो सहकर्मी

काठमाण्डौ – लकडाउनका कारण अन्तर्राष्ट्रिय उडान बन्द भए पनि लकडाउन भएदेखि साउन मसान्तसम्ममा ११ हजार २२६ जना नेपाली विदेशिएका छन् ।

लकडाउन सुरु भएदेखि साउन मसान्तसम्ममा ११ हजार २२६ जना नेपालीसहित २० हजार ७ सय १० जना बाहिरिएको अध्यागमन विभागले जनाएको छ । नेपालीसहित ३८ देशका नागरिक नेपाल भित्रिएको र नेपालीसहित ९९ देशका नागरिकले नेपाल छाडेको अध्यागमनको तथ्याँक छ ।

अध्यागमन विभागका अनुसार साउन महिनामा मात्रै ३५ सय ४२ जना नेपाली विदेशिएका छन् भने अन्य विभिन्न देशका नागरिकसहित ५ हजार २२ जनाले साउन महिना नेपाल छाडेका छन् । लकडाउन भएयता साउनसम्ममा ९८ देशका नागरिक नेपालबाट बाहिरिएका छन् ।

जसमध्ये सबैभन्दा धेरै चिनिया नागरिक १४०३ जना, अमेरिकन नागरिक १३ सय ४१ जना नेपालबाट बाहिरएका छन् भने जर्मनीका ७६६, फ्रान्सका ६४८ जना, जापानका ३८४ जना नेपालबाट बाहिरिएका छन् ।

साउनसम्ममा ५० हजार ७ सय जना नेपाल भित्रिए

देशमा लकडाउन भएर अन्तर्राष्ट्रिय उडान बन्द भएपछि साउन मसान्तसम्ममा ५० हजार ७ सय २३ जना नेपाल भित्रिएका छन् ।

अध्यागमन विभागका अनुसार सबैभन्दा धेरै ५० हजार ५ सय १५ जना नेपाली नागरिक नै स्वदेश आएका छन् ।

कोरोना महामारीका कारण विदेशमा समस्यामा परेका, उडान नहुँदा रोकिएका लगायत विभिन्न कारणले गन्तव्य देशमै अलपत्र परेका नेपालीहरु फर्किएका हुन् । साउन महिनामा मात्रै २३ हजार ६९ जना नेपाल आएको अध्यागमनले जनाएको छ ।

नेपाल भित्रने र बाहिरिनेकाे विवरण हेर्नुहाेस्

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्