साउदीमा ७३८ जनाले पाए बहिर्गमन भिसा, हिमालय र नेपाल एअरलान्सको उडानबाट घर फर्कन सक्ने

भदौ १२, २०७७ शुक्रबार १३:४८:१५ | उज्यालो सहकर्मी

काठमाण्डौ – साउदी सरकारले दूतावासको अनुरोधमा ७३८ जना नेपालीलाई बहिर्गमन भिसा (एक्जिट भिसा) दिएको छ ।

विभिन्न कम्पनीमा काम गर्ने नेपालीहरुले स्वदेश फर्कनका लागि बहिर्गमन भिसाका लागि प्रयास गरिदिन दिएको निवेदको आधारमा दूतावासले साउदी सरकारसँग अनुरोध गरेको थियो ।

साउदीमा कार्यरत रहँदा साउदीको आवासीय अनुमतिपत्र (अकामा) नबनाइएका वा नवीकरण नगरिएका कारण स्वदेश फर्कन चाहने नेपालीलाई सहज रुपमा स्वदेश फिर्तीका लागि दूतावासले बहिर्गमन भिसाका लागि साउदी सरकारसँग अनुरोध गरेको थियो ।

यसअघि नै ६१८ जनाले बहिर्गमन भिसा प्राप्त गरेका थिए । पछिल्लोपटक थप १२० जनाले बहिर्गमन भिसा पाएका हुन् । झुटा विवरण पेश गरी दूतावासमा बहिर्गमन भिसाका लागि निवेदन दिएमा र त्यसअनुसार बहिर्गमन भिसा लागेमा त्यसबाट हुने समस्याको जिम्मेवार आफैं हुनुपर्ने दूतावासले जनाएको छ ।

त्यसैले झुटा विवरण पेश गरेर बहिर्गमन भिसाका लागि निवेदन नदिन पनि दूतावासले आग्रह गरेको छ । बहिर्गमन भिसा लागेकाहरु आउँदा दिनमा हुने नेपाल एअरलान्स र हिमालय एअरलान्सको उडानमार्फत स्वदेश फर्कन सक्नेछन् । यी उडानमार्फत स्वदेश फर्कने तयारी गर्न पनि दूतावासले अनुरोध गरेको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्