विदेशमा अलपत्र श्रमिकको राहत र उद्धारका लागि दूतावासलाई पठाइयो ८० लाख

भदौ १८, २०७७ बिहीबार १४:२९:१० | उज्यालो सहकर्मी

काठमाण्डौ – लकडाउन अवधिमा स्वदेश फर्कन नसकेर समस्यामा परेका नेपालीको लागि ८० लाख रुपैयाँ रकम पठाइएको छ ।

देशमा लकडाउन भएको र घर फर्कन अन्तर्राष्ट्रिय उडान पनि बन्द भएकाले अलपत्र परेका नेपालीको राहत र उद्धारका लागि खाडी र मलेसियाका नेपाली दूतावासले माग गरेअनुसार ८० लाख रुपैयाँ रकम पठाइएको वैदेशिक रोजगार बोर्डले जनाएको छ ।

दूतावासले माग गरे अनुसार मलेसियामा १० लाख, यूएईमा २० लाख, साउदी अरेबियामा ३५ लाख र बहराइनमा १५ लाख गरी ८० लाख रुपैयाँ पेश्की पठाइएको बोर्डले उल्लेख गरेको छ । यो रकम दूतावासले माग गरेपछि साउन महिनामा पठाइएको हो ।

यस्तै मलेसियामा घरफिर्ती केन्द्रमा रहेका ८६ जना नेपाली श्रमिकको स्वदेश फिर्तीका लागि हवाई टिकट काट्न ३० लाख रुपैयाँ पठाइएको छ । दूतावासले माग गरे अनुसार नै ३० लाख रुपैयाँ परराष्ट्र मन्त्रालयमार्फत पठाएको बोर्डले जनाएको छ ।

बोर्डका अनुसार अन्य दूतावासमा समेत प्रमाणित विवरण पठाउन समन्वय र सहकार्य भइरहेको छ ।

साउन महिनामा विदेशबाट उद्धार गरी ल्याइएका र होल्डिङ सेन्टरदेखि घरसम्म पुग्न नसक्दा अलपत्र परेका १८७ जना श्रमिकको खर्च पनि बोर्डले व्यहोरेको छ । उनीहरुको यातायात लगायतका लागि १ लाख ९७ हजार १ सय रुपैयाँ खर्च भएको बोर्डले जनाएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्