यूएईबाट दैनिक ५ उडानको माग गर्दै ४४ संघसंस्थाले बुझाए प्रधानमन्त्रीलाई सामूहिक पत्र

भदौ १९, २०७७ शुक्रबार १०:३५:८ | उमाकान्त पाण्डे

यूएई – संयुक्त अरब एमिरेट्स (यूएई)मा क्रियाशिल ४४ वटा सामाजिक संघसंस्थाहरुले सामूहिक रुपमा प्रधानमन्त्रीलाई पत्र लेखेका छन् ।

उनीहरुले यूएईबाट नियमित रुपमा दैनिक ५ वटा उडान हुनुपर्ने माग राख्दै प्रधानमन्त्री, पर्यटन मन्त्री र श्रम मन्त्रीलाई सम्बोधन गरेर पत्र लेखेका हुन् ।

नेपाली दूतावास अबुधावीमार्फत सरकारलाई पठाइएको पत्रमा चार लाखभन्दा बढी नेपालीहरु कार्यरत रहेको यूएईमा ५० हजारभन्दा बढीले नेपाल फर्कन चाहेको उल्लेख गरिएको छ । १५ हजारभन्दा बढी नेपाल फर्किएको र अझै ३५ हजारभन्दा धेरै नेपाली देश फर्किन नपाएर अलपत्र परेको उल्लेख गरिएको छ ।

यूएईको सबैभन्दा पुरानो संस्था नेपाली समाजको नेतृत्वमा ४४ संघसस्थाले संयुक्त रुपमा हस्ताक्षरसमेत पठाएका छन् । नेपाली समाजका अध्यक्ष गोबिन्द ढकाल र महासचिव बेदप्रसाद अर्यालद्वारा हस्ताक्षर गरी प्रेषित पत्रमा सामान्य अवस्थामा महिनाको ४ सय उडान हुने देशबाट नियमित उडानको नाममा १८ वटा मात्रै उडान अपुग भएको भन्दै दैनिक कम्तिमा ५ उडान हुनुपर्ने माग गरिएको छ ।

साथै पत्रमा आममाफीको समय पनि सकिन लागेकाले तत्काल केही समयका लागि कम्तिमा मासिक डेढ सय उडान हुनुपर्ने समाजका महासचिव वेदप्रसाद अर्यालले बताउनुभयो । समाजका अध्यक्ष गोविन्द ढकालले सरकारलाई दबाब स्वरुप सघंसस्थाले सामूहिक रुपमा ऐक्यबद्धता जनाएर संयुक्त पत्र लेखेको बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्