धेरै पानी परेपछि सोलुखुम्बुमा किवीका बेर्ना कुहिन थाले

असोज ३, २०७७ शनिबार ११:१२:१९ | सुवास दर्नाल

साेलुखुम्बु - धेरै पानी परेपछि सोलुखुम्बुमा किवीका बेर्ना कुहिन थालेका छन् ।

सोलुखुम्बुको बागबानी केन्द्र फाप्लुले उत्पादन गरेका किवीका बेर्ना कुहिन थालेका हुन् । यसवर्ष आवश्यकताभन्दा बढी पानी पर्दा नर्सरीबाट बाहिर निकालिएको बेर्ना मर्न थालेकोे केन्द्रका निमित्त प्रमुख उपेन्द्र ठाकुरले जानकारी दिनुभयो ।

बागबानीले यो वर्ष उत्पादन गरेको झण्डै २५ हजार बेर्नामध्ये १० प्रतिशतभन्दा बढी जरा कुहिएर मरेको केन्द्रले जनाएको छ । किवीको बेर्नाका लागी घाम र पानी उत्तिकै आवश्यक भए पनि निरन्तर झरी पर्दा बेर्ना फस्टाउन नसकेको निमित्त प्रमुख ठाकुरको भनाइ छ ।

किवीको बिरुवाको जिल्लाभित्र तथा बाहिरबाट अत्याधिक माग भए पनि मौसम प्रतिकूल हुँदा माग धान्न शकस पर्ने उहाँले बताउनुभयो । पछिल्लो समय किवी खेतीप्रति किसानको आकर्षण बढेकाले कृषकबाट बिरुवाको माग अत्याधिक आउने गरेको छ । सोलुखुम्बु तथा बाहिरबाट बिरुवाको माग बढेसँगै अघिल्लो वर्षदेखि बागबानी केन्द्रले नै बेर्ना उत्पादन सुरु गरेको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्