जाजरकाेट जीप दुर्घटना : ज्यान गुमाउने ७ जनाकै परिवार शव बुझ्न तयार

असोज २२, २०७७ बिहीबार १९:४३:२८ | बालकुमार शर्मा

जाजरकोट – जाजरकोटको जुनीचाँदेमा जीप दुर्घटनामा ज्यान गुमाउनेका परिवार शव बुझ्न तयार भएका छन् । घटनाबारे छानबिनका लागि समिति गठन गर्ने, दोषीमाथि कारबाही गर्ने र मृतकका परिवारलाई राहत उपलब्ध गराउने सहमति भएसँगै मृतक सात जनाकै परिवार शव बुझ्न तयार भएका हुन् ।

प्रमुख जिल्ला अधिकारी टेकराज बराल, राष्ट्रिय सभाका सदस्य मायाप्रसाद शर्माललगायतको टोली र मृतकका परिवारबीच सहमति भएको हो । छलफलका क्रममा मृतकका आफन्तले ढुङ्गामुढा गरेपछि केही समय तनावसमेत भएको थियो ।

बुधबार जाजरकोट सदरमुकाम खलङ्गाबाट जुनीचाँदे गाउँपालिकाको केन्द्रका लागि छुटेको भे १ ज ९३५ नम्बरको जीप जुनीचाँदे गाँउपालिका १ काे औल खोलामा भिरबाट खस्दा जुनीचाँदे गाँउपालिका वडा नम्बर ११ का वडाध्यक्ष अमरबहादुर शाहीसहित सात जनाको ज्यान गएको थियो ।

जीप चालक गोरख बस्नेत घटनालगत्तै भागेकोले घटना शङ्कास्पद भएको भन्दै मृतकका परिवारले विरोध गरेका थिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बालकुमार शर्मा

बालकुमार शर्मा जाजरकोटका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्