कलाकर्मीको ध्यान तान्दै सोलुखुम्बु

साउन २६, २०७५ शनिबार १६:५६:६ | सुवास दर्नाल

सोलुखुम्बु – पछिल्लो समय हिमाली जिल्ला सोलुखुम्बु सुटिङ गर्नेहरुको रोजाईमा पर्न थालेको छ ।

विभिन्न हिमश्रृङखलालगायत अन्य प्राकृतिक सौन्र्दयताले भरिपूर्ण सोलुखुम्बु काठमाडौसँग सिधा सडक सञ्जालले जोडिएसँगै यहाँ दृष्य छायाकंन गर्ने क्रम बढ्दै गएको हो । काठमाडौबाट झण्डै २ सय किलो मिटरको दूरीमा पर्ने सोलुखुम्बुमा गएको समयभन्दा अहिले दृश्य छायाकंन गर्नेको भीड लाग्ने गरेको हो ।

केही वर्षअघि लभ इन चाइना बोर्डर चलचित्रको छायाकंन पनि सोलुखुम्बुमा नै भएको थियो । करिब २ महिना अघि नेपाली चलचित्र यात्राको छायाकंन सकिएको सोलुखुम्बुमा अहिले विभिन्न गीत सगितंको छायाकंनको क्रम चलिरहेको छ ।

सोलुखुम्बुमा एक हप्ताको समयमा आधा दर्जन भन्दाबढी गीतको म्युजिक भिडियो छायाकंन भएको छ । लोभ लाग्दो हिम श्रृङखला, कलकलाउदो झर्ना अनि ती हरियाली वातावरणसँगै प्रकृतिको सुन्दर थलोको रुपमा परिचित सोलुखुम्बुमा प्राकृतिक दृश्यको पूर्ण मनोरञ्जन लिन पनि सकिन्छ ।

काठमाडौबाट २ सय किलोमिटरको दूरीमा पर्ने सोलुखुम्बु झण्डै सात/आठ घण्टाको गाडीको यात्रा गरेपछि पुगिन्छ । सगरमाथाको जिल्ला भनेर परिचित सोलुखुम्बुको विभिन्न दृष्य दर्शकलाई देखाउनै पर्ने खालको भएको र यसले दर्शकलाई लोभ्याउने भएको गायक एवं निर्देशक धर्मराज पोखरेल बताउनुहुन्छ ।

सोलुखुम्बुका साँच्चै लोभ लाग्दा दृष्य छायाकंन गर्न पाउँदा गौरवको महसुश हुने निर्देशक पोखेल बताउनुहुन्छ । वर्षातको समयमा छायाकंन भइरहेको दृष्यमा मौसम भने मुख्य चुनौति बनेको छ ।

छिनछिनमा परिर्वतन भइरहने सोलुखुम्बुको मौसमका कारण कलाकर्मीहरुलाई भने केही गाह्रो भने पक्कै भएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्