काठमाडौंमा १७ वटा ‘स्मार्ट’ बस चल्दै

 साउन २७, २०७५ आइतबार ८:४६:३० | बेदानन्द जाेशी
unn.prixa.net

काठमाडौं – दीगोे शहरी यातायात प्रालिले रत्नपार्कदेखि नयाँ बसपार्कसम्म १७ वटा नयाँ बस सञ्चालनमा ल्याउने भएको छ । आउँदो २८ गते बस सञ्चालनमा ल्याउने गरी तयारी भैरहेको प्रालिका सचिव लालपसाद गुरागाईंले जानकारी दिनुभयो ।

जेठ अन्तिम हप्ता नै सञ्चालनमा ल्याउने भनिए पनि विभिन्न कारणले ढिलाई भएको सचिव गुरागाईंले जानकारी दिनुभयो ।

दीगो सहरी यातायात आयोजना अन्तर्गत काठमाडौंमा निर्धारण गरिएका ६६ वटा रुटमध्ये अहिले रत्नपार्क – नयाँ बसपार्क रुटमा गाडी चलाउन लागिएको हो ।

बस नयाँबसपार्कबाट गोंगबु चोक, गल्कोपाखा चोक, लैनचौर, केशरमहल, जमल, तीनधारा पाठशाला, कमलपोखरी, ज्ञानेश्वर, मैतीदेवी, पुरानो वानेश्वर हुँदै सिनामंगल पुग्नेछन् । यस्तै फर्कदा सिनामंगल, पुरानो बानेश्वर, मैतिदेवी, डिल्लीबजार, बागबजार, रत्नपार्क, भद्रकाली, शहिदगेट, जमल, लैनचौर, गल्कोपाखा चोक, गोंगबु चोक हुँदै नयाँ बसपार्क पुग्नेछन् । १० किलोमिटरको यो रुटमा जाम नभएको खण्डमा आधा घण्टामा बस गन्तव्यमा पुगिसक्ने प्रालिले जनाएको छ ।

प्रालिका अनुसार बस युरो ४ मापदण्ड भित्र रहेर निर्माण गरिएका छन् । सहरी विकासको मान्यताअनुसार यातायातमा युरो ४ को मापदण्ड राम्रो मानिन्छ । ५० यात्रु क्षमताको बसमा २४ वटा सिट छन् । अपाङ्ग मैत्री यी बसमा एउटा ह्विलचियर बेस पनि छ । यात्रुहरुले विद्युत्तीय कार्डबाट पनि भाडा तिर्न सक्ने व्यवस्था गरिएको छ । गाडी कहाँ पुग्यो भनेर थाहा पाउन मोबाइल एप्स प्रयोग गरिने सकिने कम्पनीले जनाएको छ ।

यस्तै यी गाडीहरुमा सीसीटीभी र ट्राफिक सेन्सर पनि जडान गरिएका छन् । यी बसहरु आफ्नो निश्चित बस स्टप बाहेक अरु ठाउँमा रोकिने छैनन् । नयाँ बसपार्कदेखि सिनामंगल पुग्नसम्म जम्मा २९ वटा बस स्टपमा गाडी रोकिने कम्पनीको भनाई छ ।

प्रालिका सचिव गुरागाईंका अनुसार सरकारले निर्धारण गरेअनुसार भाडादर तोकिएको छ । यो रुटमा बढीमा २५ रुपैयाँसम्म भाडा पर्ने उहाँले बताउनुभयो ।

यस रुटमा चल्दै आएका ७१ वटा माइक्रो तथा ट्याम्पोहरु विस्थापन गरेर यी बस चलाउने निर्णय यातायात व्यवस्था विभागले गरेको हो । यस रुटमा चल्दै आएका माइक्रो र ट्याम्पोहरुलाई ‘टर्सरी रुट’मा सारिने सम्झौता भएपछि दिगो यातायात प्रालिलाई बस सञ्चालनमा ल्याउन रुट पर्मिट दिएको यातायात व्यवस्था विभागले बताएको छ ।

एसियाली विकास बैंकको सहयोगमा बनेको काठमाडौं दीगो सहरी आयोजनाले काठमाडौंमा नयाँ रुटको बारेमा अध्ययन गरेको थियो ।

जसमा प्राइमरी, सेकेण्डरी र टर्सरी गरी तीन प्रकारका रुट विभाजन गरिएका छन् । यही आधारमा प्राइमरीलाई ‘पी’ रुट, सेकेण्डरीलाई ‘एस’ रुट र टर्सरीलाई ‘टी’ रुट भनेर नामाकरण गरिएको छ । अहिले एस रुटमा गाडी सञ्चालन हुन लागेको हो ।

१० मिटर भन्दा चौडा सडक भएको र दैनिक एकलाख यात्रु आवत–जावत गर्ने आठ ओटा रुटलाई प्राइमरी रुटमा राखिएको छ । जसमा ८० सिट क्षमताका गाडीहरु सञ्चालन हुनेछन् । त्यस्तै, ६ मिटरदेखि १० मिटरसम्म चौडाई भएको र ५० हजारदेखि एक लाखसम्म यात्रु आवातजावत गर्ने १६ वटा रुटलाई सेकेण्डरी रुटमा राखिएको छ ।

जसमा ४० देखि ६० सिट क्षमताका गाडीहरु कुद्नेछन् ।  ६ मिटर भन्दा कम चौडाई भएका ४२ वटा साना गल्लीहरुलाई टर्सरी रुटमा राखिएको छ । जसमा माइक्रो तथा ट्याम्पोहरु चल्नेछन् । आयोजानाले नयाँ रुट प्रणालीको अध्ययन गरे पनि सरकारले यसबारेमा खासै चासो नदेखाउँदा कार्यान्वयन हुन नसकेको योजनाका इञ्जिनियर शरद आचार्यले बताउनुभयो । 

अन्तिम अपडेट: मंसिर १२, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बेदानन्द जाेशी

उज्यालाेमा कार्यरत बेदानन्द जाेशी वैदेशिक रोजगारी र समसामयिक विषयमा कलम चलाउनुहुन्छ। 

2 Comments

  • Kamal dhami

    Aug. 12, 2018, 12:12 p.m.

    यो बस सेवा नयाँ बस पार्क भन्दा आझै आगडी बानियाटार सम्म चलाउन पाए राम्रो हुन्थ्यो । त्यो रत्नपार्क को लाइनमा कुरेर बस्नुपर्ने झन्झट कम हुन्थ्यो अनि संचालक लाई नि राम्रो कमाइ !!!

  •  0 Reply

  • Amrit

    Aug. 12, 2018, 11:24 a.m.

    Very good plan, ,, keep it up .

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई