माथिल्लाे सगरमाथाका ३ जिल्लामा धान उत्पादन बढ्याे

मंसिर ६, २०७७ शनिबार १७:२५:६ | सुवास दर्नाल

साेलुखुम्बु – माथिल्लो सगरमाथाका तीन वटा जिल्लामा यस वर्ष धान उत्पादन बढेकाे छ । सोलुखुम्बु, खोटाङ र ओखलढुङ्गामा यस वर्ष धान उत्पादन बढेकाे सम्बन्धित जिल्लाका कृषि ज्ञान केन्द्रले जनाएको छ ।

सोलुखुम्बुमा यस वर्ष ३ दशमलव २५ प्रतिशतले धान उत्पादन बढेकाे निमित्त कार्यालय प्रमुख दुर्गाबहादुर तिरुवाले बताउनुभयो । कृषि ज्ञान केन्द्र सोलुखुम्बुका अनुसार जिल्लाभरि एक हजार पाँच सय २५ हेक्टर जमिनमा धान खेती हुँदै आएकोमा यसपटक शतप्रतिशत रोपाइँ हुँदा ३६ सय २० मेट्रिक टन धान उत्पादन भएको छ । गएकाे वर्ष एक हजार पाँच सय २५ हेक्टरमा तीन हजार पाँच सय ६ मेट्रिक टन धान उत्पादन भएको कार्यालयको तथ्याङ्क छ ।

खोटाङमा पनि यस वर्ष धानकाे उत्पादन बढेकाे छ । प्रमुख बालीको रूपमा लगाइने धान यस वर्ष ३८ दशमलव ४६ प्रतिशतले बढेकाे हो । कृषि ज्ञान केन्द्र खोटाङका अनुसार जिल्लाभरि १२ हजार आठ सय ९८ हेक्टर जमिनमा धान खेती हुँदै आएकोमा यस पटक शतप्रतिशत रोपाइँ हुँदा २९ हजार तीन सय ४२ मेट्रिक टन धान उत्पादन भएको छ ।

यस वर्ष समयमै वर्षा भइ बेलैमा रोपाइँ भएको, रोपाइ गरिने क्षेत्रफल बढेकाे र रोग, किरा प्रकोपको व्यवस्थापन गरिएकाले धान उत्पादन बढेकाे कृषि ज्ञान केन्द्रका कृषि अर्थविज्ञ तथा सूचना अधिकारी देवराज गुप्ताले जानकारी दिनुभयो । उहाँका अनुसार गएकाे वर्ष १० हजार तीन सय १८ हेक्टरमा रोपाइँ भएकोमा १८ हजार ५७ सय मेट्रिक टन उत्पादन भएको थियाे ।

यस्तै ओखलढुङ्गामा १० दशमलव ५ प्रतिशतले धान उत्पादन बढेकाे छ । धान उत्पादन हुने चार हजार चार सय तीन हेक्टर क्षेत्रफलमध्ये शतप्रतिशत नै रोपाइँ भएको कृषि ज्ञान केन्द्रले जनाएको छ । यस वर्ष १३ हजार दुई सय तीन मेट्रिक टन धान उत्पादन भएको कार्यालयका निमित्त प्रमुख हेमबहादुर आले मगरले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्