सरकारले पाँच महिनामा वैदेशिक रोजगारीका क्षेत्रमा गरेका काम यस्ता छन्

साउन २८, २०७५ सोमबार १९:२०:४५ | उज्यालो सहकर्मी

काठमाडौं – सरकारले वैदेशिक रोजगारीलाई सुरक्षित र व्यवस्थित गर्न गरेका कामलाई आफ्नो उपलब्धीमा समेटेको छ ।

साेमबार सार्वजनिक गरिएको उपलब्धिहरुमा पाँच महिनामा वैदेशिक रोजगारका क्षेत्रमा अध्यागमन व्यवस्थापनलाई प्रभावकारी बनाउन टोकन प्रणली लागु गरेको, दक्षिण कोरिया, संयुक्त अरव इमिरेट्स्, कतार र जापानसँग श्रमसम्बन्धी समझदारी नविकरणको प्रक्रिया अगाडि बढाइएको, वैदेशिक रोजगार विभागमा दैनिक उजुरी सुन्ने व्यवस्था सुरुवात गरेका कुरा उल्लेख छ ।

यस्तै, वैदेशिक रोजगारीका सिलसिलामा फौजदारी अभियोग लागेर विभिन्न देशका जेलमा रहेका नेपालीहरुलाई कानुनी सहायता पुर्‍याउने उद्देश्यले कानूनी प्रतिरक्षा सम्बन्धी निर्देशिका २०७५ कार्यान्वयमा ल्याइएको, विदेशमा समस्यामा परेका कामदारलाई न्याय दिलाउने उद्देश्यले वैदेशिक रोजगार सम्बन्धि मागपत्र जाँच निर्देशिका २०७५ कार्यान्वयनमा ल्याइनुलाई सरकारले आफ्नो उपलब्धि भनेको छ ।

विभिन्न देशमा अलपत्र परेका नेपालीहरूलाई उद्दार गरी नेपाल फिर्ता ल्याइएको र यस क्रममा मलेसियाको लेन्गेग घरफिर्ती केन्द्रबाट १० जना र बुटिक जलिल घरफिर्ती केन्द्रबाट ३० जना श्रमिकहरूको उद्धार गरिएको सरकारले सार्वजनिक गरेको उपलब्धीमा उल्लेख छ ।

सरकारले श्रमिकको पारिश्रमिक वृद्धिका लागि श्रम नियमावली २०७५ जारी गरिएको पनि जनाएको छ । सबै कामदारको तलब बैंक खाताबाट भुक्तानी गर्नुपर्ने र न्युनतम पारिश्रमिक पनि तोकिएको सरकारले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्