किर्ते गरेर रकम निकासा गर्ने विरुद्द उजुरी दर्ता

साउन ३०, २०७५ बुधबार १८:२५:२६ | हेमराज शर्मा

दाङ – किर्ते हस्ताक्षर गरेर बैंकबाट रकम निकासा गरेको भन्दै दाङ राजपुरको गुरुङनाकादेखि कल्याणपुर सडक निर्माण उपभोक्ता समितिका कोषाध्यक्ष फुलमाया घर्तीले जिल्ला प्रशासन कार्यालय दाङमा उजुरी दिनु भएको छ ।

संघीय मामिला तथा स्थानीय विकास मन्त्रालयबाट गएकोे आर्थिक वर्ष २०७४÷७५ मा राजपुर गाउँपालिका वडा नम्बर १ को नाका क्षेत्रमा विकास गर्न भनेर विनियोजन गरेको १९ लाख ७५ हजार रुपैयाँ बजेट त्यसै समितिका अध्यक्ष ओमबहादुर पुन र सचिव होमबहादुर सुनारले कोषाध्यक्ष फुलमाया घर्तीलाई थाहै नदिएर रकम निकासा गरेको भन्दै घर्तीको गुनासो गर्नु भएको छ ।

अध्यक्ष र सचिवले आफूलाई कुनै जानकारी नदिएर काम गरेको समेत उहाको भनाई छ । राजपुर गाउँपालिकाले प्राविधिकसहित अनुगमन गर्दा सबै ठिक पाएपछि बजेट निकासाका लागि अनुमति दिएको बताएको छ । गाउँपालिकाका सब–इञ्जिनियर सुवास भण्डारीले १९ लाख ७५ हजार रकमबाट निर्माण उपभोक्ता समितिले गुरुङ नाकादेखि पटौली नाकासम्म २६ वटा होम पाइप, २८ वटा ग्याविंग तार जाली १० मिटर लम्बाइ भएको र एकवटा कल्भर्ट निर्माण गरेको बताउनुभयो ।

अनुगमनमा काम देखिएपछि रकम निकासाको सिफारिस भएको सब–इञ्जिनिएर भण्डारीले बताउनुभयो । यति ठूलो रकममा गाउँपालिकाले गैरजिम्मेवारी भएर रकम निकासाका लागि अनुमति दिएको भन्दै विभिन्न क्षेत्रबाट टिका टिप्पणी हुन थालेको छ ।

यो विषयमा सम्पर्क गर्न खोज्दा समितिका अध्यक्ष र सचिवको फोन सम्पर्क हुँदैन । दोषीलाई हदैसम्मको कारबाही नगरे कारबाहीको अर्को विकल्प खोज्ने उहाँको भनाई छ । अध्यक्ष पुन र सुनारले २५/२५ हजार रुपैयाँ राखेर घर्तीलाई १० हजार रुपैयाँ दिएको र कसैलाई नभन्नु समेत भनेर धम्क्याएको पत्रमा उल्लेख गरिएको छ । सम्बन्धित व्यक्तिहरुलाई सम्पर्कमा ल्याएर आवश्यक अनुसन्धान गर्नु भनि जिल्ला प्रहरी कार्यालयले इलाका प्रहरी कार्यालय गढ़वालई पत्राचार गरेको बताइएको छ ।

गढवा प्रहरी प्रमुख पंचलाल गोलेका अनुसार लगातार परिरहेको पानीका कारण ती व्यक्तिसँग सम्पर्क हुन नसकेको बताउनुभयो । सम्पर्कमा ल्याउने प्रयास भैरहेको पनि प्रहरी प्रमुख गोलेले बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्