'वैदेशिक रोजगारीको कारण भएका समस्या समाधान गर्न जिल्ला प्रशासन तयार छ’

पुष १५, २०७७ बुधबार १३:२८:३८ | रामकुमार थापा

धादिङ – धादिङका प्रमुख जिल्ला अधिकारी पुण्य विक्रम पौडेलले वैदेशिक रोजगारीको कारण भएको समस्यामा सहयोग गर्न जिल्ला प्रशासन तयार रहेको बताउनुभएको छ ।

सुरक्षित आप्रवासन (सामी) परियोजना धादिङको अर्धवार्षिक समिक्षा कार्यक्रममा बोल्दै प्रमुख जिल्ला अधिकारी पौडेलले वैदेशिक रोजगारीको कारण ठगी धेरै हुने गरेको भन्दै पीडितलाई न्यान दिलाउनको लागि कानून अनुसार आफूले सक्दो सहयोग गर्ने प्रतिवद्धता व्यक्त गर्नुभयो ।

सामी परियोजना धादिङको अर्ध वार्षिक समिक्षा हिजो मंगलबार सम्पन्न भएको छ । वैदेशिक रोजगारीलाई, सुरक्षित, भरपर्दो र मर्यादित बनाउनको लागि सञ्चालन भइरहेको सामी परियोजनाको गतिविधिहरुको समिक्षा गरिएकोे सामी परियोजनाका लेखा तथा प्रशासन अधिकृत सम्झना भण्डारीले बताउनुभयो ।

कार्यक्रममा नीलकण्ठ नगरपालिकाका मेयर भिमप्रसाद ढुङ्गानाले पालिकाले गाउँमै रोजगारी सृजना गर्नेगरी काम गरिरहेको बताउनुभएको छ । सुरक्षित आप्रवासन (सामी) परियोजना धादिङको अर्धवार्षिक समिक्षा कार्यक्रममा बोल्दै मेयर ढुङ्गानाले विदेशबाट फर्केकाहरुको सीपको सही सदुपयोग नीलकण्ठ नगरपालिकाले गर्ने पनि बताउनुभएको छ ।

साथै मेयर ढुङ्गानाले सामी परियोजनाले महत्वपुर्ण काम गरेको भन्दै सामी परियोजनाले समृद्ध नीलकण्ठ बनाउनको लागि एउटा ईंट्टा थप्ने काम भएको बताउनुभयो । यसैगरी गंगाजमुना गाउँपालिकाका प्रमुख प्रशासकीय अधिकृत विनोद रोकाले सामी परियोजनाको काम राम्रो भएको भन्दै परियोजना सञ्चालनको लागि आफूले सक्दो सहयोग गर्ने बताउनुभएको छ ।

कार्यक्रममा सामी परियोजनाका कार्यक्रम संयोजक दिनेश दुवाडीले सामी परियोजना सञ्चालन भइरहेको चारवटा पालिकाको अर्धवार्षिक कार्य प्रगतीको बारेमा जानकारी गराउनु भएको थियो ।

धादिङको नीलकण्ठ नगरपालिका, धुनीवेशी नगरपालिका, गंगाजमुना गाउँपालिका र थाक्रे गाउँपालिकामा सुरक्षित आप्रवासन ( सामी) परियोजना सञ्चालन भईरहेको छ । नेपाल सरकार र स्वीस सरकारबीच भएको दुई पक्षीय सम्झौता अनुसार श्रम, रोजगार तथा सामाजिक सुरक्षा मन्त्रालयको नेतृत्व र हेल्भटास नेपालको सहयोगमा सञ्चालित सुरक्षित आप्रवासन सामी परियोजना देशका ३९ जिल्लामा सञ्चालनमा छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्