सिड्नीमा पहिलो पटक नेपाली विज्ञ सम्मेलनको आयोजना हुने

भदौ १, २०७५ शुक्रबार १४:४७:५३ | उज्यालो सहकर्मी

काठमाडौं – गैरआवासीय नेपाली संघ ओसिनिया क्षेत्रको आयोजनामा अष्ट्रेलियाको सिड्नीमा पहिलो पटक विज्ञ सम्मेलन हुने भएको छ ।

ओसिनिया क्षेत्रमा बसोबास गर्ने विशेषज्ञता हासिल गरेका नेपाली विज्ञहरुलाई एकै थलोमा भेला गरी सम्मेलन आयोजना गर्न लागिएको गैरआवासीय नेपाली संघ, ओसिनिया क्षेत्रका संयोजक धर्मराज अधिकारीले जानकारी दिनुभयो ।

आउँदो सेप्टेम्बर १५ अथार्त भदौ ३० गते आयोजना गर्न लागिएको सम्मेलनमा विदेशमा सिकेका ज्ञान, सीप र प्रविधि नेपालमा कसरी हस्तान्तरण गर्न सकिन्छ भन्ने विषयमा छलफल हुने अधिकारीले बताउनुभयो ।

सम्मेलनमा कृषि तथा खाद्य सुरक्षा, पूवार्धार निर्माणतर्फ रेलवे, सुरुङ र राजमार्ग स्वास्थ्य र शिक्षा जस्ता विषयमा विज्ञहरुले आ–आफ्नो कार्यपत्र प्रस्तुत गर्नेछन् ।

सिड्नीमा आयोजित सम्मेलनमा प्रस्तुत हुने केही कार्यपत्रहरु अक्टोबर १२ तारिखमा नेपालमै आयोजना हुने विश्व विज्ञ सम्मेलनमा पनि प्रस्तुत गरिने छ । यो सम्मेलनले विश्व विज्ञ सम्मेलनलाई समेत सहयोग पुग्ने गैरआवासीय नेपाली संघ विश्वास लिएको छ । नेपालमा हुने विश्व विज्ञ सम्मेलनको प्रधानमन्त्री केपी शर्मा ओलीले उद्घाटन गर्नुहुने कार्यक्रम तय भएको छ ।

यस्तै सम्मेलनमा गैरआवासीय नेपाली संघ अन्तर्राष्ट्रिय समन्वय परिषदको विधान संशोधनका लागि ओसिनिया क्षेत्रका आईसीसी सदस्यहरुबीच छलफल हुने आईसिसी महासचिव डा.बद्री केसीले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्