आजदेखि कुवेतमा रात्रिकालीन कर्फ्यु : घरेलु श्रमिक कुवेत प्रवेश गर्न पाउने

फागुन २३, २०७७ आइतबार १२:१६:१९ | उज्यालो सहकर्मी

काठमाण्डौ – कोरोना भाइरसको बढ्दो सङ्क्रमण रोक्न कुवेत सरकारले आजदेखि अप्रिल ८ सम्मको लागि रातिको समयमा कर्फ्यु लगाउने भएको छ ।

कुवेत न्युज एजेन्सी कुनाले जनाएअनुसार कुवेतमा कोरोना सङ्क्रमितको संख्या बढ्दै गएपछि बिहीबार बसेको मन्त्रीपरिषदको बैठकले कर्फ्यु लगाउने निर्णय गरेको हो । साँझ ५ बजेदेखि बिहान ५ बजेसम्म कर्फ्यु लगाइने भएको हो । यस्तै अप्रिल ८ सम्म सबै पार्कहरु बन्द गरिनेछन् । तर प्रार्थनाको लागि नजिकका मस्जिदसम्म जान भने रोक लगाइएको छैन ।

कर्फ्यु लागू भएसँगै गैर कुवेतीलाई कुवेत प्रवेशमा रोक लगाइएको छ । तर कुवेती नागरिक तथा उनका नजिकका आफन्त, घरेलु कामदार र कुटनीतिज्ञहरुलाई भने प्रवेश खुला छ । कुवेत प्रवेशपछि अनिवार्य १४ दिनको क्वरेण्टीन भने बस्नुपर्ने मन्त्रीपरिषदको निर्णयलाई उदृत गर्दै कुनाले लेखेको छ ।

कुवेतको स्वास्थ्य मन्त्रालयका अनुसार शनिबारसम्म १२ हजार ७१ सङ्क्रमित कुवेतका विभिन्न अस्पतालमा भर्ना भएका छन् जसमध्ये १६७ जनालाई आईसीयूमा राखिएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्