२८ दिनमै दुई वटा मोटरेबल पुल निर्माण

चैत ६, २०७७ शुक्रबार १९:५०:१७ | सुवास दर्नाल

सोलुखुम्बु – सोलुखुम्बुको साेलुदूधकुण्ड नगरपालिका २ मा २८ दिनभित्र दुई वटा माेटरेबल पक्की पुल निर्माण गरिएको छ । बेनी हाइड्रोपावर प्रालीले सामाजिक उत्तरदायित्वअन्तर्गत गएकाे मङ्सिर १० गते शिलान्यास गरी पुस ८ गते दुइटै पुलकाे निर्माण सम्पन्न गरेको हो । निर्माण सम्पन्न दुइटै मोटरेबल पुलको बिहीवार बौद्ध परम्पराअनुसार उद्घाटन गरिएको छ ।

कम्पनीले जुनबेसी इदिङ बासा खोलामा ६८ लाख ३६ हजार दुई सय ३७ रुपैयाँ ९७ पैसा र मिन्जुङ खोलामा ११ लाख ९९ हजार एक सय ५८ रुपैयाँ पैसामा आरसीसी पक्की पुलको निमार्ण गरेकाे कम्पनीका प्रमुख पीजी शेर्पाले जानकारी दिनुभयो ।

सल्लेरी बेनी हुँदै लिखुपिके जोड्ने सडक खण्डमा पर्ने यस पुल निर्माण भएसँगै बाह्रै महिना यातायात सञ्चालन हुने सोलुदूधकुण्ड नगरपालिका २ का वडाध्यक्ष मिङमार दोर्जी शेर्पाले बताउनुभयो ।

यस खोलामा पुल नहुँदा हिउँदको समयमा खोलाबाटै सवारी सञ्चालन गर्ने भए पनि वर्षायाममा दुई वटा गाडी पोयल्ट्री गर्नुपर्ने बाध्यता थियो ।

झण्डै ८० लाख रुपैयाँमै दुई वटा पक्की पुल निर्माण भएसँगै जनप्रतिनिधिदेखि स्थानीयबासी अच्चमित छन् । वडाध्यक्ष शेर्पाले भन्नुभयो, ‘यही पुल सरकारी लगानीमा निर्माण हुने हो भने करोडौँ रुपैयाँ पर्थ्याे तर निजी कम्पनीको लगानीमा ८० लाख रुपैयाँमा नै पुल निर्माण भयो, यसले हामी जनप्रतिनिधिमाथि नै नैतिक प्रश्न खडा भएको छ ।’

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्