कतारी नागरिक बहराइन जान नपाउने

भदौ ६, २०७५ बुधबार १४:४४:५२ | उज्यालो सहकर्मी

बहराइन – बहराइनले कतारी नागरिकलाई भिसा दिन रोक लगाएको छ । कतारले गैरजिम्मेवार व्यवहार देखाएका कारण कतारी नागरिकको प्रवेश भिसामा रोक लगाउने निर्णय गरेको बहराइनको गृह मन्त्रालयले जनाएको छ ।

तर बहराइनमा पढिरहेका र वैध भिसा भएका कतारी नागरिलाई यो निर्णयले कुनै असर नगर्ने मन्त्रालयले जनाएको छ ।

अघिल्लो वर्ष जुन ५ मा बहराइन, साउदी अरब, युएई लगायत देशले कतारले आतङकवादलाई सहयोग गरेको भन्दै कुटनीतिक सम्बन्ध तोडेका थिए । कुटनीतिक सम्बन्ध तोडेसँगै कतार र यी देशहरुसँग व्यापारिक, सामुद्रिक र हवाई सम्पर्कसमेत बन्द भएको थियो ।

यी देशहरुले कतारसँग १३ बुँदे माग राख्दै यी माग पूरा भए मात्र कतारसँग कुटनीतिक सम्बन्ध फेरि जोड्न संकेत गरेका थिए ।

तर छिमेकी देशहरुले आफूमाथि लगाएको आरोप गलत भएको कतारले बताउँदै आएको छ । बहराइनको गृह मन्त्रालयले मंगलबार कतारी नागरिकलाई प्रवेश भिसामा रोक लगाउने बताए पनि कहिलेदेखि यो नियम कार्यान्वयनमा आउँछ भनेर खुलाइएको छैन ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्