कोरोनाबाट जोगिन डोटीमा प्रहरीको घरदैलो अभियान

वैशाख १२, २०७८ आइतबार २०:३४:१४ | विमल बिष्ट

डोटी – विश्वव्यापी महामारीको रुपमा फैलिएको कोभिड–१९ (कोरोना भाइरस) को सङ्क्रमणबाट जोगिन ‘आफ्नो जीवन आफैँ सुरक्षित’ भन्ने नाराका डोटीमा प्रहरीले घरदैलो अभियान सुरु गर्न थालेको छ ।

कोरोना भाइरसको बारेमा सचेतना फैलाउन जिल्ला प्रहरी कार्यालयको टोलीले घरदैलो अभियान सञ्चालन गरेको सूचना अधिकारी तथा प्रहरी नायब उपरीक्षक (डीएसपी) इन्द्रबहादुर मल्लले जानकारी दिनुभयो । प्रहरीको टोलीले कोरोनाबाट बच्ने उपाय सिकाउनुका साथै भिडभाड नगर्न तथा मास्क अनिवार्य प्रयोग गर्न आग्रह गर्न थालेको उहाँले बताउनुभयो ।

यसैगरी कोरोना भाइरसको जोखिम बढ्दै गएपछि यहाँको जिल्ला प्रशासन कार्यालयले मेला, महोत्सव तथा सम्मेलन स्थगित गर्ने निर्णय गरेको छ । जिल्लाका नौ वटैै पालिका र सरकारी कार्यालयलाई पत्राचार गर्दै मेला, महोत्सव तथा सभा, सम्मेलन स्थगित गर्न अनुरोध गरिएको सहायक प्रमुख जिल्ला अधिकारी किरण जोशीले जानकारी दिनुभयो ।

उहाँका अनुसार राति आठ बजेपछि होटेल, रेस्टुरेन्ट खोल्न नपाइने, सवारी साधनमा सिट क्षमताभन्दा बढी यात्रु राख्न नपाइने, मास्कको प्रयोग नगरि सार्वजनिक ठाउँमा जानेलाई जरिबाना तिराइ मास्क प्रयोग गर्न पठाउने, सभा र गोष्ठी लगायतका कार्यक्रम सकेसम्म नगर्न र गर्नैपरे स्वास्थ्य मापदण्ड अपनाइ २५ जनाभन्दा बढी उपस्थित नगराउने लगायतका निर्णय गरिएको छ । यी नियम पालना नगर्नेलाई सङ्क्रामक रोग ऐनअनुसार कानुनी कारबाही गरिने जनाइएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्