फलाम खानी पत्ता लगाउन भूगर्भविदको टोली बझाङमा

जेठ १८, २०७५ शुक्रबार ७:२२:२९ | डीबी बिष्ट

बझाङ जेठ १८ – बझाङमा फलाम खानीको अध्ययन गर्न भूगर्भविदको टोली पुगेको छ ।

खानी तथा भूगर्भ विभागका उपमहानिर्देशक तथा खनिज सम्पदा महाशाखाका प्रमुख रामप्रसाद घिमिरेसहित ३ जनाको टोली विहीबार बझाङ पुगेको हो ।

बझाङ जिल्लाका विभिन्न स्थानमा फलाम खानी रहेको कुरा यस अघिका अध्ययन प्रतिवेदनले देखाएका कारण कुन ठाउँमा कति मात्रामा फलाम छ भन्ने कुराको विस्तृत अध्ययन गर्नका लागि टोली बझाङ पुगेको हो ।

टोलीले तल्कोट गाउँपालिकाको भोपुर रुवातोला सडकको बयालधारमा विहीबार सम्भाव्यता अध्ययन गरेको छ । साथै प्रयोगशालामा परीक्षण गर्नका उक्त ठाँउको ढुङ्गाको नमुना आफूहरुले लिएको खानी तथा भूगर्भ विभागका उपमहानिर्देशक तथा खनिज सम्पदा महाशाखाका प्रमुख घिमिरेले बताउनुभयो ।

यो ठाँउमा फलाम हुनसक्ने उहाँको भनाई छ । तर कति मात्रामा छ र कति प्रतिशत छ भनेर अहिले भन्न सकिने अवस्था छैन । प्रयोगशालामा परीक्षण गर्नका लागी ढुङ्गा लगिएको छ र प्रयोगशालामा परीक्षण गरिसकेपछि मात्रै थाहा हुने पनि घिमिरेले जानकारी दिनुभयाे ।

‘कति मात्रामा फलाम छ भन्ने कुरा अहिले भन्न सकिदैन, प्रयोगशालामा परीक्षण गरिसकेपछि मात्रै भन्न सकिन्छ ।’ घिमिरेले भन्नुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्