आर्थिक अवस्था कमजोर भएका बैतडीका किशोरीहरुलाई छात्रवृत्ति प्रदान

भदौ ८, २०७५ शुक्रबार २०:८:२१ | जयराज अवस्थी

बैतडी – बैतडीमा आर्थिक अवस्था कमजोर भएका १३ जना किशोरीहरुलाई उच्चशिक्षा अध्ययनका लागि छात्रवृत्ति प्रदान गरिएको छ ।

बालविवाह न्यूनीकरण अभियानमा सक्रिय र आर्थिक अवस्था कमजोर भएका किशोरीहरुलाई १५ हजारका दरले छात्रवृत्ति प्रदान गरिएको हो ।

संयुक्त राष्ट्रसंघीय जनसंख्या कोषको सहयोगमा नेपाल रेडक्रस सोसाइटीले छात्रवृत्ति प्रदान गरेको हो । किशोरीहरुको उच्चशिक्षा अध्ययनमा सहयोग पुगोस् भन्ने उद्देश्यले छात्रवृत्ति प्रदान गरिएको रेडक्रस बैतडीका सभापति भीमदत्त पाण्डेयले बताउनुभयो ।

छात्रवृत्ति पाउँदा आफूहरुलाई खुसी लागेको सुर्नया गाउँपालिका ५ की द्रोपती बिष्टले बताउनुभयो । गाउँमा बालविवाह न्यूनीकरण अभियानमा सक्रिय कुन्ती भट्टले छात्रवृत्ति पाउँदा आफू खुशी भएको बताउनुभयो ।

साविकका ११ गाविसका किशोरीहरुलाई छात्रवृत्ति प्रदान गरिएको संयुक्त राष्ट्रसंघीय जनसंख्या कोषका जिल्ला कार्यक्रम अधिकृत गणेश शाहीले बताउनुभयो ।

किशोरीहरुलाई छात्रवृत्ति प्रदान गर्दै प्रमुख जिल्ला अधिकारी चन्द्रप्रसाद गैरेले आर्थिक अवस्था कमजोर भएका छात्राहरुलाई छात्रवृत्तिले सहयोग हुने बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्