माओवादीका जिल्ला नेतालाई गोली प्रहार गर्ने दुई जना पक्राउ

जेठ ७, २०७८ शुक्रबार २०:१७:५० | गोपाल भण्डारी

कपिलवस्तु – नेकपा माओवादी केन्द्र कपिलवस्तुका सदस्य दीपक पाण्डेमाथि गोली प्रहार गर्ने दुई जनालाई प्रहरीले पक्राउ गरेको छ । पक्राउ पर्नेहरूमा कपिलवस्तु नगरपालिका १ का ३९ वर्षीय ओमप्रकाश यादव र कपिलवस्तु नगरपालिका २ सागर टोलका ३३ वर्षीय साकिर अलीपखिया रहेका छन् । पक्राउ परेका दुवै जनाले घटनामा आफ्नाे संलग्नता रहेको स्वीकार गरेका छन् ।

तीन जनाको समूहमा एउटा मोटरसाइकलमा आएका उनीहरूले माओवादीका जिल्ला नेता दीपक पाण्डेयमाथि गोली प्रहार गरेको प्रहरीले जनाएको छ । घटनामा संलग्न रहेका अर्का एक जनाकाे खाेजी भइरहेकाे प्रहरी उपरीक्षक नवराज अधिकारीले बताउनुभयाे ।

गएकाे जेठ ५ गते बुधवार राति दुई वटा गोली लागेका पाण्डेकाे युनिभर्सल मेडिकल कलेज भैरहवामा उपचार भइरहेको छ । पाण्डेकाे अवस्था गम्भीर छ । यस्तै एउटा गोली लागेका अर्का भारतीय नागरिक इयाज अख्तर भने उपचारपछि घर फर्केिनुभएकाे छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्